احتراق BMW X5 4.8 في محطة وقود بمسقط!
 

الخميس 23/مارس/2006

اشتعلت النيران بسيارة BMW X5 4.8 في محطة وقود الصاروج بمسقط. حدث ذلك عندما كانت السيارة واقفة لتعبئة خزان الوقود وفجأة اشتعلت السيارة من الخلف... والحمد لله فقد كانت ردة فعل الموظفين سريعة حيث قاموا بالسيطرة على الحريق فورا واقوفوا انتشار النيران. الناس كانوا قد انطلقوا هاربين من محطة الوقود... والحمدلله لم تحدث اي اصابات... السائق والراكب هرعوا خارج السيارة فور اشتعال النيران بها!

وانا اتوقع السبب ان محرك السيارة كان يعمل عند التعبئة! (تخمين لا غير لاني لم اكن في موقع الحدث)

للعلم ان هذا الحادث الرابع من نوعه لاحتراق سيارات BMW في فترة قصيرة! :ranting:
وهنا بعض الصور

الحمدلله ان محد اصيب وبعد يعني هذا مايعرف يسكر سيارته الله يهديهم

الحمدالله مافي اصابات !

ذكرت ان الحادث يعتبر الرابع ! ممكن تذكرلنا نوعية السيارت الي احترقت قبل هالسيارة ؟

محد يبند سيارته يوم يعبي .. هذا المفروض .. بس بعد يتبعه ..

وثانيا كيف تلبق سيارته .. وحتى لو ضاغط بترول ..

ياليت حد يشرحلنا لو كانت السالفه صحيحه ..

تحياتي

الاولى كانت من الفئة الخامسة 2005 ولا تزال تحمل لوحة فحص (تحت التجربة) وسبب الحادث تصادم مع فولكس واغن بولو.
الثانية الفئة السابعة تقريبا موديل 2005 بعد وكان اصدام قوي ادى الى وفاة السائق.
الثالثة هي من الفئة الثالثة كوبيه تقريبا موديل 2002 ولا ادري مسبباته.
والرابعة هي X5

السلام عليكم ..

الحمدلله ما في اصابات ، الله سلمهم ..
المفروض ما نخلي السياراه شغاله اثناء تعبئة الوقود لان أي شراره بسيطه تؤدي الى كارثه !

حتى الموبايلات المفروض نغلقها .. لكن للأسف محد يلتزم و انا اولهم !

الله يعينه

وش سالفة البي ام دبليو هم والحرايق ؟
قبل شهرين تقريباً احترقت سيارة بي ام دبليو الفئة الخامسة الجديدة في السعودية وكتبوا عنها في الجريدة ؟
والله غريبيبن !

لاحول ولا قوة الا بالله

الحمد لله ماصار فيه خسائر بالارواح





خويي زماااااان كان معه بي ام موديل 98 الظاهر السالفة قدييييييمة قلب سنوات

كنت زايره بيتهم وحنا داخل نتقهوى سمعنا اصوات ناس بالشارع قدام بيتهم :damp:

طلعنا لقينا البي ام حقته محترقه :blink:

والله الله يرحم حاله بغا ينهبل :cry1:

وقبل سنه تقريباً صارت سالفة معروفة للكل حقت السعودي هو وزوجته وعياله على الفئة الخامسة جديدة وكان توه مطلعها من الوكيل بالدمام وسافر للرياض

بالطريق احترقت السيارة بدون مقدمات والمسكين نزل عياله صغار بالبررررررد وجلس يتفرج على الي ام وهي تحترق قدامه :cry1:

بالاخير قالوا انت مشغل سخانات المراتب وهذا هو سبب الحريق :damp:

طيب بداية النار كانت من الكبوت نفسه شلون تقولون سخانات المراتب :blink:

الله يكفينا الشر قولوا آمين

وأزيدكم بعد..

صاحبي احترقت سيارته البي ام الفئة السابعه...الشكل قبل الجديد...

كبوت سيارته صقع بـ"دينا".... وبعد فترة شبت سيارته واحترقت... :blink:

وش السالفة؟؟

ليش البي ام كذا؟

الله يحفظ الجميع
بعض الناس مايتعلمون إلا بالمصايب ولاالكلام المكتوب علي اللوحات الإرشاديه مايوصل لمخوخهم

الله يعوضة باحسن منها

وش قصة البي ام والحرايق ؟؟؟
كل فترة نسمع عن بي ام احترق ومنها قصة مشهورة لشاب ببي ام 735 قبل سنتين تقريبا صار له حادث وما طلع الايرباج واحترقت السيارة على طول ولقوا جثته محترقه .. الله يرحمه ويرحم اموات المسلمين ...








اخوكم الشبابي

مافي حريق بدون سبب

انا من ناحيتي فأعتبر المشاكل الإلكترونيه في السيارة تؤدي إلى إختراقها يعني , اي واير بالغلط مركب طبعاً من المصنع فمع الحراره الشديدة التي تخرج من المحرك و جونا الحلو يؤدي إلى تلف أجزاء الواير مما يؤدي إلى شوط كهربا و في النهايه إحتراق الواير و إحتراق الوايرات الأخرى إلين الكبوت كامل يشب مره وحده .. هذا اللي في بالي :m:

الله يعوظه خير عنها ..

أول شي الله يكفينا شر الحوادث والحرائق

ثانيا لو عندنا حقوق مستهلك زي الناس كان قدرنا ناخذ تعويض
عن الحوادث الناتجة عن مشاكل مصنعية

اذا الحريق من الخلف ...


اكبر احتمال انه شحنة كهربائي ساكنه ..من الي يعبي البنزين ...

شفت برنامج كامل عنه على MBC4 قبل فترة ,,,


فلا تظلمون السيارة ,, :sleep:

اكيد الاحتراق بسبب نملة تولع سيجارة و معدية من تحت السيارة و هم يعبوها بترول

سبحان الله ما في امان حتى من النمل

خليل

سلمتوا

مسكين راعي البي أم ..........

لو منه بدقها شكية لـ German

:-)