والله الحالة بقسم السيارات ماتسر اخواني ؟؟!!
السلام عليكم ورحمة الله وبركاته اخواني اعضاء الكرام بقسم السيارات والله اخواني ماادري شو اقول لكم، انا نصحت كثير من الاخوان عدم التسرع بالكتابة والرد الطيب وعدم تعصب بسيارة معينة وعدم خروج من الموضوع. والله اخواني انا مااحب اخسر كثير من الاعضاء والله كلم ماشاء الله فيكم الخير والبركة ، بس شوية تعصب هو الزايد عندكم فقط. التعصب للسيارة الفلانية وهو مخلي الشباب شوي عصبيين والردود كثرت وماله داعي. مهم الردود بالعقل وعدم الاكتراث لمن ينصح له. اخواني والله انا ماحبيت اجوف اسماء لامعه معانا بالقسم موقفين ، وفي ناس ماتوقعت ان يوصل بهم هذا العمل. انا بحاول مع الادارة بخصوص الاخوان. الله يهديكم ويصلح بالكم وجزاكم الله خير اخوكم محمد |
والله كلامك صحيح يا مشرفنا
التعصب يخلي الواحد ما يشوف إلا حسناته ومساوئ غيره إن شاء الله يرجعون وما يتكرر مثل التصرف هذا |
مشكلة هالتعصب...والي يقهرك انه التعصب لسيارة او وكالة معينة ماله اي فائدة ملموسة للعضو المتعصب :headshak:
لا فائدة مادية يدورها من ورا هالتعصب...ولا معلومات تنسب له وتخلد اسمه بعالم السيارات مجرد تعصب.... :headshak: |
إقتباس:
بعض الشباب- الله يهديهم- يتعصب وتلقاه يحمل على عاتقه مسيرة الكفاح والجهاد عن فلسطين ... عذراً عن سيارة .. في الأول والآخر كتلة حديد . :m: أرجو من الشباب انهم يستحضروا النية الصالحة عند الدخول للمنتدى ... وأننا جميعا هنا لنفيد ونستفيد إننا جميعا هنا لنرتقي بأفكارنا وننمي خبرات سليمة في مجالات مختلفة اننا جميعا هنا .......... اترك لكل واحد أن يستحضر نية سليمة عند دخوله للمنتدي أحسن شباب سواليف :banana: |
كل الشباب بيقولو ايه و ما عليك يا ابو جاسم و احنا وياك و كلامك صح و مدري ايش و تشوف هالوجوه :knight: :p :-) :shy: :cool: :smart: و يجي كم واحد يرفع شعارات ( ذكرتني بشعار ينساب ما ينساب أحد الأسهم في السوق السعودي :D ) سوالف أحسن منتدى في العالم سوالف الى الأبد سوالف مدري ايش و نهايتها تشوف انواع التعصب في المنتدى يا أخي انا ما طلبت انت تدعمني في آرائي كل اللي ابغاه منك حيادية في المواضيع و يجيك واحد يقول سكاي لاين عطه برمجة و يعطيك 1200 حصان و يجيك واحد ليومك زعلان مني لأني أنتقته لما قال الشركة الفلانية مستعدة لعمل أي شي لخدمة وطنها و اليهود و انا زعلان لأنه زعل بعد شباب ترى تتهاوشون على شي تافه و الله فيه ناس تضحك عليكم و هي تقرأ :headshak: تقبل تحياتي |
السلام عليكم ورحمة الله وبركاته حياكم الله اخواني كثير من الاخوان هداهم الله وعودني ان يخففوا من المشاكل ومن العصبية ، وانا عن نفسي ماقصرت معاهم واعطيت لهم الللي يبغونه ولكن ولاحياء لمن تنادي. التعصب الشديد للسيارة او الشركة او الخبر او الدافع عنها هي اكبر مشكلة بالمنتدى. اخواني خلوا عقولكم اكبر من كذا ، ولكن شو نقول؟ :ranting: نفس ماقال اخوي بشار والله الناس تضحك علينا بسبب هي الشركات وتعصبهم عليهم؟ جزاكم الله خير |
المنتدى ناقصتنه الحيادية :headshak:
بعض المواضيع نضحك فيها ياباني و امريكي لاكن مو معقولة توصل للجد بهالطريقة :sleep: |
وانا ايدك الرأي ..
هدف المنتدى ( هو النقاش والتحاور في دائرة الفكر والمضمون )) ،، ليس التعصب .. الذي لا ينتج عنه بـفائدة ،، |
آنا في مواضيع ما أدخلها أبداً و هي مواضيع ، جي ام خسرت ، تويوتا خسرت و العكس
تويوتا فيها مشكلة فنية ، جي إم رفعت الجودة الخبر وين ، و الشباب وين يوصلون ! و أصلا مالها داعي كل واحد يدافع عن شركة و سيارة كانها محامي الدفاع و كانه في محكمة يعني لاااااااااااااااازم يثبت إن كلامه صح و الباقي خطأ مهما كانت الطريقة ، كلام صح أو غلط ، المهم يمشي روحه و آنا معا بشار، المنتدى ناقصته الحيادية |
يعطيك العافيه بوجاسم عالموضوع والطرح
اتمنى من الشباب الي تم ايقافهم تكون لهم بمثابة تجربه والابتعاد عن التعصب الزايد والردود الاستفزازيه والاستهزائيه على اعضاء ثانيين لان هالشي ينعكس سلبي عليهم لازم يحكمون نفسهم بطريقه صحيحه ويبتعدون عن التجريح والاستفزاز وكلنا في المنتدى اخوان ونمشي في طريق واحد تحياتي |
هلا والله اخوي بوجاسم و سامحنا اذا طلع منا شويه قصور
لكن انشاء الله ما عاد تتكرر هالغلطه |
السلام عليكم ورحمة الله وبركاته اخوي انا حال حالكم تراني مافي شي بيدي انا كنت عضو قبل مااكون مشرف قسم ، المشرف القسم هو نفس الصلاحيات الالهم الا تثبيت الموضوع او الغائه او حذفه او نقله او نقل الكلام للادارة عما يجري. والله اخواني مايحتاج احد يتكلم هالكلام ، الا واحد ثاني ترى كان من زمان طردكم من المنتدى وفك عمره من الصدعه. اخواني المشرفين بقسم السيارات من اكثر الناس متعاونين ولازم نكون على يد وحدة وقلب واحد واي واحد يقول شي لازم نتفق عليه. |
رجعنا بعد الغيبه دامت اسبوع تقريبا
لكن طلع سبب الغيبه ما منه فايده الحين وين العقل مافي سياره في الزمن ما تنطاف فليش الهواش :confused: وللعلم ترى السيارات او بالمعنى الحديد يروح بس الصداقه وحب عمره مايختفي |
كن حيادي ولا تكن إنحيازي |
إقتباس:
ارجو من الكل أن يعمل بهالقول ، قول و فعل مب بس كلام " ما أقصدك أخوي جينيوس بالعكس إنت مالك دخل في المشاكل أقصد غيرك" :-) |
هلا اخوي محمد
والله الموضوع زي ما قال اخوي بشار يعني في اعضاء موجودين معنا ويظهرون بالوجه البريء الحيادي وبعد فترة طالع لك بموضوع حيازي المشكلة انك تحاول باقصى ما يمكن تكون حيادي لكن يطلع لك واحد خبرته في السيارات يومين و يحب سيارة معينه ويحط لك موضوع يمجد ويعظم سيارته ويقول فيها الاكاذيب والاساطير كانها بتطير ومب المشكله هنا المشكله انه يتعدى على السيارات المعاديه ويستخف فيها وكأن الناس ما عندها عقول تفكر فيها والمشكله الاكبر الموضوع يكون مفتوح :( بالنسبة لي منقطع من زمان عن المناقشه الا ما ندر وهذولا سبب ان الاعضاء المهمين يطلعون من المنتدى على العموم انشالله ما يستمر الوضع على ما هو عليه يعطيك العافية |
حديـــد :sleep:
|
كلنا اخوان ان شاء الله :p
وان شاء الله ما تفرق ما بين اخوتنا قطع من الحديد والبلاستك :confused: نورتنا يا بوجاسم :banana: |
المفروض المشرفين يتدخلون بسرعه قبل لايصير تجاوز ويوقفونا الاعضاء المخلفين مو يتسهلون معاهم مع احترامي لكل المشرفين لا تسهلون ويا الاعضاء المفروض تشوفون موضوع ماله داعي قفلوه او عضو يغلط او عضو يفتح موضوع عن كراج ويقول نصابين واخر شي طلع الرجال قعد يقول كلام من عنده الى متى هدا التساهل :headshak:
المنتدى فقد كم عضو مميز king ss الفني imaj مع انه متعصب لسيارات الامريكيه لكن يضل عضو مميز هدا الا ادكرهم الحين غير الاعضاء الا انطردوا وشكلها هدا القائمه بطول ........ |
الاختلاف عادي اخي محمد
و كل واحد يعبر عن رفضه للرأي الاخر بالطريقة التي تربى عليها فتجد شخص يستخدم مصطلحات عاقلة و رزينة بينما الاخرين فقدوا احترامهم و اصبحوا يكتبون بطريقة خبط عشواء و في منتدى كبير زي سوالف يجمع بين مختلف شرائح المجتمع لابد ان تتعلم كيف تتلقى اراء الاخرين و تقدر الخلفيات التي جاؤوا منها فمنهم المثقف و الجاهل ، المراهق و البالغ و هكذا لا تدقق في كل ما يكتبه الاخرون فقط خذ الجيد و اترك السيئ انا في الحقيقة لا يهمني التعصب فكل عضو له الحق في التعبير عن رأيه حتى لو كان متعصب ... لكن المهم هو تعلم ثقافة الاختلاف و كيف تتقبل الرأي الآخر و هذا ما يجعلنا كلما تقدمنا خطوة للأمام نعود عشرة للخلف بسبب بعض العقليات .... عموما اكرر كلام اخي الحبيب توب سيكرت اتمنى من الموقوفين ان يتعلموا من اخطائهم و زلاتهم و ان شاء الله يرجعوا اكثر انضباط لك حبي و تقديري ،،،، |
المشكلة تبدأ من التحيز ثم من بعض الألقاب .. مثل ( GM Defender ) مع إحترامي لمؤيد بس هذي غلطة إدارية .. هذا اللقب مش شرف .. هذا اللقب سيف على كل من يحاول ينتقد جي إم .. يعني يدافع عن جي إم وكأن له راتب شهري يمشي له من جي إم حق هذي الوظيفة .. كلامي هذا أعني فيه كل المتعصبين لفئة معينة للياباني وللأمريكي والألماني أو أي من كان .. مثال .. شو يعني لما يجي واحد يقول إن الأمريكي صار أحسن من الألماني أو الياباني صار أحسن من الألماني .. خير يا طير .. خلاص خسرت الصناعة الألمانية بسبة منتدى سوالف ؟ ولا ال 200 واحد اللي في المنتدى قرروا يخسروا الألماني بسبب هذا الموضوع ؟ يعني بالعقل هل يسوى سب وإهانة والإستخفاف بأخوك المسلم عشان أهان شركة تصنع حديد في حديد ؟ الله المستعان .. والأدهى والأمر إن يجي واحد من كثر حبه لهذي السوالف يأيد سباقات الموت والتفحيط وقتل الناس الأبرياء ويدافع عنها .. وأخوه اللي مات وتقطع ما عليه الله يخلف عليه بس هذول المهجولين لازم نرعاهم ونأمن لهم أماكن رسمية عشان يقتلون أعمارهم ونحن ندفع تذاكر عشان نشوفهم .. يعني مثل مصارعة الثيران في أسبانيا .. الناس تدفع عشان تشوف دم !!! على كل حال السموحة على الإطالة بس المتحيز لأي موضوع ولأي شركة لازم يتأكد من شي واحد !! إن الشركة هذي اللي يدافع عنها ما راح تغنيه من الله شيئا إذا ما جاه صاحبه اللي أهانه عشانها ويشتكيه أمام الله !! سلام |
السلام عليكم ورحمة الله وبركاته اشكر اخوان كل ماانتقد وقال بنفسه. انا ابغي الواحد يتعهد بالكلام والفعل معانا بالقسم. من كثرت التعصب والجادل الي ماله معنى ، ادى الى خروج كثير من الاخوان المنتدى والمنتدى خسر اعضاء متميزين وخبراء بكل المجالات, ولكن للاسف بسبب تصرفات بعض الاعضاء ادى ترك المنتدى . الايام تشهد على ذلك. المنتدى سوف يشهد تغيرات جذرية بسبب الحيادية والتعصب. جزاكم الله خير |
إقتباس:
100% كلامك وانا معك في كل كلمة قلتها اعتقد ان الواحد حر في رأية ما دام انه ما سب او قلل من احترام احد . (( اهم شي الافكار توصل موب مهم الاسلوب لاني اعتقد ان كثير من الاعضاء لما يقول كلمة استفزازية او مزحه ثقيلة لا اعتقد انه يقولها بقصد الاسائة بل من باب الميانة عادي يعني انا متحيز لشركة معينة او لسيارة معينة طبيعي بحصل الي يشجعني واللي ينتقدني واللي يستهزئ فيني اعتقد انها شي طبيعي :m: |
التعصب الزايد عن حده .. مو شي .. تعصب وأنحاز .. بس لا تتعدى الحدود ..
والموقفين .. مكانتهم موجودة بينا .. زله ومانشووفها من أحد أن شاء الله .. :-) |
إقتباس:
هذا هو الكلام..بس في مشكله في بعض الاعضاء انهم ينتهزو عصبية وانحيازية بعض الاعضاء بانهم يستفزو غيرهم عمداً ويغلطوهم بكلامهم بطريقه غير محسوسه..وفي النهايه يورط غيره بسبب استغلاله له وهو يطلع منها..في كذا عضو بهالطريقه ولا حد حاس لهم. لكن كما تدين تدان ويجي يوم وينكشف الامر بشكل اكبر ان شاء الله |
| الساعة الآن » 02:41 AM. |
Powered by: vBulletin Version 3.0.16
Copyright ©2000 - 2025, Jelsoft Enterprises Ltd.