البحث عن بعض الاخوان بالمنتدى
 

قوة شعب
انتومعاي ما لاحظتوا ان في ناس كثير مختفيه عن المنتدى مثل
حبوب بوظبي
SEL560
mahmood_q8 <<< اعتقد جذي اسمه

وبعض المشاركين الاخرين إلي لهم صوت بالمنتدى يعني في الكثير منهم وفي اسماء كثير لكن ما ودي اطيل اللائحه لان اعتقد انتو عرفتوا شنوهو المقصود وشنو هو المطلوب

اي والله ياخوي نفتقد حبوب بوظبي كانت مشاركاته جميله ويظيف للمنتدى الشي الكثير

وحتى الاخ محمد مشاء الله مشاركاته ممتازه في قسم الفيديو

نتمنى المانع خير :-)

صحيح SEL 560 وينة؟

GM DEFENDER وينه :D

كاني شفت انهم موقفين عن المشاركة..بس مدري راح التوقيف او لا :sss:

ان شاء الله المانع خير

sel500 gm defender

هذول موقفين اسبوع واحد فقط

المفروض يقدرون يشاركون قبل اكثر من 5 يومين


ان شاء الله المانع خير


يمكن النت فصل عندهم ما تدرون او مسافرين او امتحانات

لازم تعذرونهم :)

اذا قصدك عن مؤيد
فلا تلومه اذا ماشترك

لأنه افاد الكثير من الناس عن محركات الشفر واخبار اول بأول توصلنا

يعني هو مثل بشار
بس الاختلاف بالشركة
كل واحد وحبه للشركة

ولا تنسى الارهابي
والكينق اس اس
والفني إلي وقف عن المشاركة بسبب الموضوع إلي كان عن ورشته
قاعدين يذمون فيه ومادري ليش ما سكروا الموضوع حتى :sleep:
والمسكين كل يوم يحط صور داينو ويرد على اسئلة الشباب


نتعصب لشركة معينة (من غير سب ولا قلة ادب)
او نغير الموضوع بحوار مفيد
لالالالالالالالالالالالالالالالا هذا غلط ويعاقب عليه القانون

ماقول غير الله يعين :m:

بسم الله الرحمن الرحيم

السلام عليكم ورحمة الله وبركاته


نعم تم رفع الايقاف عنهم كلهم و لكن لا 560SEL (خبير سيارات مرسيدس) و لا مؤيد اف 1 (GM Defender ) و لا CL-Class (مستشار سيارات مرسيدس) راح تشوفونهم ثاني هنا للأسف

و هذا خبر أكيد :cry1:



و سلامتكم :sleep:

على كذا بيخرب منتدى سوالف إذا كان العضو اللي يوقفونه اسبوع بينسحب


:cry1: وآسفاه راحوا خبراء سوالف :cry1:

الغلط من التعصب لا غير

ولكن ممكن من الاداره التصرف بشكل ثاني..يعني جذي افتقدنا افضل الاعضاء واكثرهم خبره ..وهذا بسبب تصرف الاداره الجارح..

كان ممكن يقفلون المواضيع وبس

الله يسامح الجميع ان شاء الله

تحيااتي

بس يعني اذا كان تصرف الاداره خطأ..يعرفون انه تصرف الاداره مو تصرف الاعضاء

يعني يعني شنو ذنب الاعضاء..عشان غلط من الاداره

ادري انكم تشوفون الكلام

بس ان شاء الله تتراجعون عن قراركم..مو عشاني..عشان المعزه الي تربط اعضاء سوالف

عشان الاخوه الي تربط اعضاء سوالف

تحيااااتي

أنا مابتكلم عن الموقوفين واحد واحد...

بس بعضهم متعصب بزيادة للشي اللي يحبه.. وهذا يخلي بقية الأعضاء ينفرون منهم وتصير عداوة..... وأشوف وقوف بعضهم عن الكتابة أفضل ..لأنه ملينا صراحة كل ماندخل موضوع نشوف فيه هواش وزعل وكلمات غير لائقة...
حتى أحيانا لمن اشوف اسم العضو بس..مااشوف الرد تبعه...لاني عارف كيف بيرد.. :sss:

تحياتي للإدارة...

شي معروف ان الطرد والايقاف ..
له تأثير سلبي كبييير جدا في نفسية العضو اللي تم ايقافه

خصوصا اذا كان هذا العضو فعال في المنتدى وله اثر كبير ...
تلاحظون غالبا ان معظم الاعضاء الفعالين اللي انطردوا لم يرجعوا للمنتدى حتى بعد رفع الطرد عنهم





علشان كذا دائما نقول
لابد من عدم التسرع في اتخاذ القرارات الادارية وعدم التهور وايقاف الاعضاء الكبار
لان الخسران الوحيد في العملية هو (( منتدى سوالف )) كالعادة

انا اعرف مؤيد عدل

هو صح متعصب للشفر
بس هذي عادي
دام هو لا يغلط ولا يشتم خلاص خله متعصب هو براحته
دام ما يأذي احد

كل واحد كيفه برايه

مايصير تبون يحب إلي تحبونه
الرجال متعصب لهذي الشركة
كيفه
دام مو ضار احد ولا سب ولا شتم ليش يوقفونه؟

والله مستغرب

انا ماعرف الأعضاء الثانيين
علشان جذي ما تكلمت عنهم

بصراحه اي واحد يكون من اكثر الاعضاء كتابه ومشاركه


وبسبب غلطه صغيره يعاقب مثله مثل اي واحد توه داخل للمنتدى


ويصير له موقف زي اللي صار للشباب


بيكون موقفه سلبي للمنتدى خاصه مثله مثل غيره من الأعضاء


وصعب انه يرجع للمنتدى وان رجع راح يكون تفالعه اقل من الأول

هذي وجهة نظر

شباب ماتلاحظون شيء عجيب ...... :m:

وين اخونا المشرف جراند ..... :confused:

بسم الله الرحمن الرحيم
السلام عليكم ورحمة الله وبركاته

كلامك مضبوط 100%
و هذا هو المطلوب من الاداره و هو عدم التسرع في اتخاذ القرارات :headshak:




و سلامتكم :sleep:

بصراحه ابي اقول رايي في الموضوع وان شاء الله محد يزعل ..

المنتدى ياجماعه منبر للحوار الحر .. ماراح تقدر تتحكم في العضو وتمشيه على كيفك .. كل واحد حر يتعصب او ما يتعصب هذي وجهة نظره هو .. لكن مادامه ما طلع عن حدود الأدب والاحترام فأنا ماشوف فيها اي مشكله .. وبصراحه ماشوف اي شي يستاهل ايقاف الاعضاء اللي توقفوا .. انا ما تابعت الموضوع عدل لكن ما اعتقد ( بحكم العشره :) ) ان احد منهم غلط او طلع عن آداب الحوار ..

وماعرف ليش الشباب يشوفون التعصب شي مب زين .. مع اني اشوف كل واحد في المنتدى .. عالأقل يفضل شركه سيارات على الثانيه .. لكن كل واحد له اسلوبه في التعبير عن هذا الحب .. وهذا من حقه طبعا ً .. لكن المشكله مب في التعصب .. المشكله ان في اعضاء ياخذون نقد سياره معينه بشكل شخصي .. وهذا غلط طبعا ً .. لكني ملاحظ ان الشباب حتى لو احتد الحوار بينهم ما يغلطون على بعض ..

وبصراحه هذي وجهه نظري في الموضوع .. وادري انا ما ارد واشارك وايد في المنتدى بس متابع .. وحبيت اطرح رأيي

اخوكم فنان

بسم الله الرحمن الرحيم
السلام عليكم و رحمة الله و بركاته

أخوي بشار

بالله اذا عندك كلام مثل الناس أو حل للمشكله تفضل و اذا ما عندك سكوتك يكون أفضل



و سلامتكم :sleep:

أحلى وصف للتعصب إنه أعمى

والعمى كلكم يعرف ايش عواقبه

وأنا أوافق الأخ Dreams_Maker في رأيه

السلام عليكم ورحمة الله وبركاته

استغفر الله العظيم,ولا حول ولا قوة الا بالله العلي العظيم



قال تعالى : { و لن ترضى عنك اليهود و لا النصارى حتى تتبع ملتهم}

صدق الله العظيم




وقال تعالى في من يتخذ من آياته لهوا ً ولعبا ً:

{وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا أُوْلَئِكَ لَهُمْ عَذَابٌ مُّهِينٌ }

صدق الله العظيم

التفسير:

قوله تعالى: «و إذا علم من آياتنا شيئا اتخذها هزوا» إلخ، ظاهر السياق أن ضمير «اتخذها» للآيات، و جعل الهزء متعلقا بالآيات دون ما علم منها يفيد كمال جهله، و المعنى: و إذا علم ذلك الأفاك الأثيم المصر المستكبر بعض آياتنا استهزأ بآياتنا جميعا.

و قوله: «أولئك لهم عذاب مهين» أي مذل مخز، و توصيف العذاب بالإهانة مقابلة لاستكبارهم و استهزائهم، و الإشارة بأولئك إلى كل أفاك، و قيل في الآية بوجوه أخر أعرضنا عنها لعدم الجدوى فيها.


تحياتي

بسم الله الرحمن الرحيم
السلام عليكم ورحمة الله وبركاته

ما أدري يا أخوي انت تقصدني بالكلام هذا و الا تقصد اللي حرف الايه ؟ :confused:


و سلامتكم :sleep:

لا ماقصدك ياخوي

جزاك الله خير انا كتبة ردي عشان اقتبس جزء من كلامك واضيف اللي عندي

رايتك بيضه الغالي :-)

بسم الله الرحمن الرحيم
السلام عليكم ورحمة الله وبركاته

تسلم يالغالي :-)
انا حسيت اني كتبت شئ غلط و قعدت أدوره عشان أعدله :-)

و جزاك الله خير على التذكير و التنبيه :smart:


و سلامتكم :sleep:

ملاحظه صغيرة: يتم تنبيه اي عضو حول طريقة الرد او الأسلوب في الحوار وبعد ذلك ان لم يلتزم يتم ايقافه..........

فالأخوة المذكورين تم انذارهم من قبل ولم يلتزموا فترتب عليه الأيقاف..........

أتمنى انه الصورة تكون واضحة للجميع وشكرا

لا بالعكس اخوي SVT-COBRA كلامك في محله

بارك الله فيك الغالي :-)