ما هي المواصفات التي لا تستعملها في سيارتك؟....(موضوع للجميع)
 

كل سيارة تحتوي على مواصفات قد يندر استعمالها ولذلك حبيت اطرح عليكم هذا الموضوع لمعرفة أراءكم..

انا مثلا لا استعمل غسيل الأضاءة الأمامي وأضواء الضباب وبعض المواصفات الموجودة في التكييف كذلك نادر ما أنزل الزجاج الخلفي للسيارة نظرا لعدم وجود ركاب معي بالخلف :eek:

يالله دوركم يا شباب :glasses2:

أنا في سيارتي نادراً ما أستخدم أنوار الضباب الخلفية (( لأن ماعندي أنوار ضباب أمامية ))
وكمان فتحة السقف نادرا ما أفتحها على الآخر وكمان تخفيض الإضاءة للعدادات .... وبس



شكرا

موضوع حلو

الcd changer
النافقيشن او الملاحه
تسخين الكراسي
غسيل المصابيح الأماميه
الأم بي 3
مصابيح الضباب
التيلفون استخدم تيلفوني المحمول
سيارتي فيها سبع غيارات علشان توصل للسابع لازم سرعتك 240 وفوق فا بطبيعة الحال مااستخدمته
الكروز كنترول مااستخدمها


والله انا خوفي بعض الإخوان ليتات الاشارات هي من ضمن الاشياء اللي ما يستخدمونها طبعا امزح معاكم

ومشكوور

والله موضوع شيق جدا
1-انا بالنسبة لي ماعمري حطيت المكيف على الهيتر
2-في سيارتي في زر اسمه power ماعمري دعست عليه الا مره وحده اول ماطلعت السياره
3- الولاعه حقت التدخين ماعمري لمستها لاني ماادخن
4- الراديو مااشغله الا في الخطوط السريعه(الي يسوق في الاحساء يعرف ليه) :o

كثير من الأشياء ما أستخدمها

مثلا .. تخفيف إضاءة الطبلون ، نادار أستخدمها

ارتفاع النور وانخفاضه ، على مستوى واحد من اشتريت السيارة

ولاعة الدخان ، نادر جدا أستخدمها للبخور ، لأني ما أدخن ولله الحمد

فتح النوافذ وإغلاقها من الريموت ، قليل جدا أستخدمها

-الولاعة..

-تامين الزجاج الخلفي..

-انوار الضباب..الا للضروروة مثلا واحد ملحم في الخط السريع :D

-القير --->واحد كذاب :D

-التيبترونيك

-تخيف اضاءة العداد

-خاصية تبريد السيارة في وقت معين ::يعني احط وقت يشتغل فية المكيف حتى لو كانت السيارة ماتشتغل عشان اجي ولاقي السيارة باردة :smart:

انا بالنسبة لي كلشي مزود بالسيارة .. فهو له ظرورة .. ولكن يقل استخدامه نوعاً ما ..

يعني على سبيل المثال الولاعه ما استخدمها للتدخين .. لكن مكان الولاعه استخدمه لقطعة الـ MP3

فيه شي ما اتوقع راح استخدمه الا وهو الهيتر ..

نادر اشغل الانوار بالمدينه .. لأني على طول مشغل الكشافات <<< حركه ;)

البحث وتخزين المحطات في الراديو....من زود المحطات تعرف الواحد يمل.. :D

تعديل مستوى الإضاءة و وضعية المقعد و و و كلها أشياء تستخدم نادرا عموما وفي الغالب ماتستخدم إلاّ إذا ركب السيارة أحد غيرك وخرب الوزنيّة....

تدفئة المقاعد....مع انها غير متوفرة لدي....بس اتوقع ان توفيرها في أسواقنا يعد قمة في الغباء...

الفرامل :banana:

ما عندي مواصفات والله .. :D

لقيتها .. الثلاجه بالكروزر .. ما منها فايده وما أستخدمها ..

-كشافات الضباب ما أشغلها

-تخفيف ضوء العداد

-فتحة السقف ما أفكها الا نادراً

:)

ماعمري قصرت على نور الطبلون

تلفون السيارة شد البلد ماستخدمه

الدريشة الي وراي ماستخدمها لو وش مايصير..اصلاً خربانه ومستنانس على خرابها :eek: لانها تفجر اذني :D

مممممممممممممم

التلفزيون نادراً ماستخدمه

GPS Navigation

مممممممممم والله مدري بعد وش باقي...ياخي المفروض حاط لنا لستة ونختار منها :D :D


الا ماتلاحظون اليوم الصور الرمزية زادت :good:

بالنسبة لي كل شي في السيارة أستخدمة
ماعدا
الولاعة و تدفئة الكرسي بس . وكل شي موجود بالسيارة أنا أستخدم . :D

يمكن أفتكر شي ثاني :D





تحياتي

- الولاعة
-تدفئة المراتب ... الا شباب وش فايدة تدفئة المراتب عندنا هنا :confused:
-انوار الطبلون ماغيرها
- انوار الضباب الخلفية
- الستارة الخلفية او كنت افتحها لكن الحين قليييل اطلعها والظاهر انها خربت

هذا اللي اذكر ..
ملاحظ شباب من الردود انه كثير من الشغلات اللي ماتستخدم كثير متشابه بيننا مثل التدفئه واضائة الطبلون .. ليه مايشيلونهن هذولي مامنهن فايده بس تثقل على السيارة :D

كيف كيف؟
من غير أنوار طبلون ؟ تقعد تبحلق في الطبلون تدور على زر ؟؟ ولا تشوف عداد؟؟

أنوار الطبلون لازمة بالنسبة لي . :D

موضوع شيق :D

انا شخصيا

1- فتحة السقف ماستخدمها ابدا ..( مع اني يوم شريت السيارة كنت مصمم يكون فيها فتحة ) ;)


2- انوار الزينون ما افتحها نهائيا ..مع انها جاية من الوكالة لكن انا اشغل الانوار الصغيرة ( الاصطابات ) بس ...حركات ...


3- الزر اللي يعدل وضعية السكان ( الدريكسون ) هذا ايضا ما استخدمه الا نادر جدا


اما الطفاية والولاعة طبعا احتاجهم كثيير :o
لان صعب اشيل معاي الولاعة اليدوية حتى في السيارة ..سمعت انه خطر

استعمل جميع المواصفات والتجهيزات إلي بالسيارة
يعني المتوفر على طول استعمله
انا دافع فيها فلوس علشان احللها :D

الولاعه فقط, والباقي كلو استخدمه من حين لاخر ;)

طيب كل واحد يقول وش سيارته :D

S- 300 :D :D موديل 91 :D :D

حفظ وضعيات الكراسي ماستخدمها... ولاأعرف لها...ومكسل اقرا الكتيب :smart:

الفتحة نادراً...

طبعا الولاعة إلى الآن ماستخدمتها ولا حتى جربتها :D

والبقية استخدمهم..

تحياتي

انا ما ستخدم الا السكان والقير والريس والبريك والمكيف والمسجل .. أما الباقي مالي شغل فيه .. << وش بقى :D

لا يوجد اي مواصفات في سيارتي لا استخدمها

نفس الكلام ينطبق على سياراتنا الثانية

شباب المفروض كل واحد يذكر اسم سيارته .. و لا اش رايكم ؟