موتر عاجبني ومحتاج رايكم...... (صور)
 

السلام عليكم



هذي أول مشاركة لي في المنتدى مع اني متابعكم من زمان ( أيام الغوص)!! :D
أتمنى اني ما ثقل عليكم ..... :cry1:

شو رايكم في الكاديلك ديفيل موديل 99 أمريكي .....
صراحة الموتر نظيف ومع اني ما عرف عنه شي لكنه دخل مزاجي وأبي رايكم فيه من ناحية القوة والتحمل و الخرابات.....
الممشى 70000كم وبسعر 20000 درهم ..



نفس اللي في الصور













ومشكورين مقدما

ودي بس الهوى ضدي

كان عندنا هالنوع من الكاديلك

هو كشكل خارجي جيد بس في قيادته ماتحس بفخامة الكاديلك المعهوده

يعني تركب الفليتوود موديل 90 او 91 وتركبه ماتحس بطعم الكاديلك

محركه نورث ستار 32 صمام بقوة 275 حصان

محركه ممتاز بصراحه وصرفيته معقوله نسبيا

يفقد سعره بشكل كبير جدا عند اعادة البيع

كأستخدام احس انه من اكثر سيارات كاديلك عمليه

لكن ماقولك انه عملي طبعا عرفت معنى الكلام والقصد,,,

وبالتوفيق

شكل خارجي حلو



وللاسف اخوي ما عندي معلومات عنه بس اذكر اني قريت عنه من مده طويله
جدا انه اخذ لقب احسن سياره امنه



واسمحلنا

روح بعيد وتعال سالم :sss:

عاد ما لقيت غير هالسيارة ...

هي سياره مريحه ماشالله .. لكن اتمنى انك تقارنها مع لكزس من نفس الموديل اتوقع انك راح تشتري لكزس لكن اللكزس يميزها ان سعرها لسى اضعاف ( ضعفين ) سعر هاي الكاديلاك


اتمنى منك اخوي تسوق لكزس راح تعجبك .. ولو تفكر بالبنز احلى لك


ونعتذر على التقصير و السموحه ..

اذا كانت نظيفة وحالتها الميكانيكيه اووكي
خذها وتوكل على الله ..
سعرها معقول وحلو كثير
وشكلها انيق جدا
ويدل على فخامة كدلك اللي تعودنا عليها ....


وواضح انها مريحة جدا .....

ابعد عن الشر وغنيله :sss: :sss:

انصحك تبعد عنها


واذا فكرت تشتري اتذكر القاعدة اللي تقول:
"اذا شريت كاديلك افتح ورشة ببيتك"

موتر حلو

و صدقني كل موتر له مشاكله, إذا أنت تحس نفسك رجال إستخدامك نظيف, وتحافظ, وتهتم بزود , الموتر بيكون ماشئ معاك تمام

و الله يوفقك

السلام عليكم ورحمة الله وبركاته
صاحبي عندهم نفس السياره بس اقدم
موديل 1996 كونكورس
بصراحه من داخل جدا مريحه والصرفيه معقوله جدا
المحرك قوي
وما سمعت من صديقي اية خرابات
يمكن لانهم مهتمين فيها كثير كله شغل وكاله (على فكره اشتروها مستعمله)
وبس

والله الكاديلاك حلو لكن كمستعمل امريكي حقه سنتين وبعدين الله يعينك من خرابات الكهرباء خاصة

افضل حل اذا كنت راغب في الموتر تاخذ رقم الهيكل >>الشاصي<< وفيه كثير من المواقع اللي تعطيك تقرير كامل عن الموتر يوم كان في امريكا

والله انا لو كنت مكانك لاشتريه لانه سعره مغري :) خاصة اذا كان نظيف ولا عليه اي مشاكل :knight:

بالتوفيق
تحياتي

اذا انت قد قطع غيارها توكل على الله والله يوفقك

ما في احسن من هذا الكلام ... لانك كل ما تدور سياره لازم بيقولون لك فيها مشاكل

اذا كان السعر معقول خذها وتوكل على الله



انا برأيي ما أعطيها أكثر من 30000

طيب يا أخوان.......

هل لكثرة الصمامات أي تأثير على قوة المكينة أو خفض استهلاك البنزين?

مثلا: هل يمكن مقارنة صرفية محركات الكدلك القديمة مثل نورث ستار 4.6 والتي تأتي ب 32 صمام
بالمحركات الأخرى مثل الماركيز والفكتوريا والكابريس.?

ياخوي زود عشرة الالاف وخذ الشكل اللي بعد هذا اريح واضمن

السلام عليكم

نصيحه ابعد عن الكاديلاك نهائيا وخاصه الموديلات القديمه .

انا كان عندي واحد نفس الي في الصوره قير ارضي وكان ماشي 55 الف بسسس واستخدامه كان جدااا قليل وكان وكل فتره يطلع لي خراب يا كهربا يا بخاخات يا مساعدات .

ودينمو التعبيه خرب على مرتين في اقل من شهرين.

والمساعدات قيمتها 3000 ريال مركبها جديده وبعد 6 شهور تقريبا خربت تاني .

ياخوي السياره حلوه وماعليها كلام ...

لكن الله يعينك في صيانتها .. وصرفيتها ...

خذ لك ياباني صغير يوديك وييبك اريح لك :-)

كاديلاك؟؟؟؟؟؟؟؟؟؟؟ :blink:

الله يعينك على الخرابااااااااااات :damp:

لو يحترق عندك فيوز كمبيوتر السيارة بيعتبره مشكلة في الكهرباء وكنظام أمني بيكتب لك Security ويكتب لك جنبها (بااااااااااااااي :D روح جيب سطحة)


اذا انت ملزم على سيارة فخمة وبهذا السعر رح خذ لك S320 موديل 92-95 على الاقل تتحمل اكثر من الكاديلاك

الا عاد اذا كنت انسان ماعندك مشكلة تخلي السيارة تشاركك بالراتب...هذا شي راجع لك :D

اذا انت قد قطع غيارها توكل على الله والله يوفقك
كلام غير صحيح من واقع تجربه الكاديلاك من ارخص السارات الفخمة قطع غيار وفيه راحه ونعومه وخراباته معقولة جدا لكن توديه لورشه محترمه وفاهمين ويعاب عليه انه دفع امامي فجميع القطع الميكانكية في مكان واحد مما يسبب صعوبه في الفك والتركيب

سيارة شيوخ و سعر معقول ..
كل سيارة و على حسب الاستخدام و ما عليك من اللي يقول الكدلك كله خرابات.. الوالد عنده فلييتوود 94 و من اخذه ما صرف عليه غير القطع الاستهلاكية من فلاتر و بريكات و اشياء ثانية مثلها مثل اي سيارة .. بس لا تنسى هذي كدلك مو كامري يعني سيارة رزة و راحة و استخدام معقول مو تلعن والدينها و بعدين تقول الكدلك خرابات !! :ranting:
اذا انت استخدامك معقول و تبي سيارة رزة و مريحة توكل على الله و خذها..

مشكوريييييييييييييين وما قصرتوا............

بس هل الدفع الامامي اللي في الديفيل يؤثر على نعومة السيارة وثباتها في الخط؟