سوالف للجميع - كامري أو أكورد

سوالف للجميع (http://www.swalif.com/forum/index.php)

- ســـوالف الــسيارات (http://www.swalif.com/forum/forumdisplay.php?f=69)

- - كامري أو أكورد (http://www.swalif.com/forum/showthread.php?t=228752)

أبو وتين

23-08-2007 03:52 PM

كامري أو أكورد

بسم الله الرحمن الرحيم

يقول المثل " ماخاب من أستشار "

من هذا المنطلق حبيت اخذ رأي اهل الخبرة .

افكر في شراء سيارة " أجار منتهي بالتملك "

هوندا أكورد أو كامري ؟

ماهو الأفضل بينها وماهي الطريقة في حال رغبتي ببيعها مثلاً اين احصل على مشتري ؟

LS 460 L

24-08-2007 05:41 PM

يا أخوي ...

أولا إذا انت حاط بس هالسيارتين ...

فنبدأ بالكامري :
نجي للمحرك... المحرك حق الكامري من 2003 حتى 2007
فيه عيب من المصنع وهو تهريب زيت وأنا متأكد 100 بالـ 100 أخوي عنده 2006 ومكتشفناه إلا يوم صيفنا بأبها وعند طريق العودة نكتشف أن الزيت لا يوجد بالماكينه وطبعا السياره عالضمان يوم وديناها عالوكاله قالوا هذا عيب جميع الكوامري من الموديلات أعلاه ...

قصه أخرى :
لي صديق ذهب إلى شراء الكامري وهو يعرف شخص بالوكاله وقله بالأمانه أنا سمعت أن الكامري تهرب زيت ... هل هذا الكلام صحيح فأجزم بأنه صحيح وقال ( الموظف ) أنا ليست لدي الصلاحيه أن أقول مثل هالكلام بس علشانك تعرفني قلتلك !!!

أما الأكورد :

ما فيها إلا شيء واحد وهو الوكيل التعبان جدا جدا ... وعلى فكرة الموديل 2008 بيتغير شكله ... بس للمعلوميه !!

أما موضوع من أين تحصل عالمشتري ...
هذي سهله أنا بشتريها منك ... هههه

امزح ... هذي ممكن تتنازل عنها والمشتري الجديد يكمل الأقساط من الوكاله...

وأتمنى أكون وصلت المعلومه !!

RED Chevy

27-08-2007 11:57 AM

الكامري ماجربته بس اللي أعرفه انه بيكون احسن من الأكورد في عدة اشياء....

أنا عندي 2006 وتبي الصراحه مو مرتاح منها...

صرف بترول مب طبيعي...تكييف تعبان....الهزة اللي في المكينة ويا الكمبريسر...يعني ماكنها سيارة جديدة...صحيح اني لاعن ابو اسلافها بس هذي فيهم كلهم عندنا ثانية في البيت هم 2006 ونفس العيوب...بس اللي بتكون أفضل عن الكامري في الفخامة والمواد اللي مستخدمينها في داخل السيارة وإنها تقوم عن الكامري...

الكامري يمسك سعره أكثر ومابيعطلك في البيع وتكييفه أحسن بس الصرفية مالي علم بها...

علي عبدالله

29-08-2007 03:16 AM

انا شخصيا انصح بالكامري
سيارة لها شعبية كبيرة في منطقتنا عموما
وخراباتها قليلة.. وقطع غيارها متوفرة
وسعرها ثابت

اعتقد انها الاختيار الافضل خصوصا بالنسبة لنظام ( الاجار حتى التملك )

والله يوفقك :good:

AMG///

30-08-2007 06:26 PM

الله يعينك اخوي الإختيار صعب

أنا رأيي الشخصي الأكووورد وبس!! ولاتصدق الي يقولك قطع الغيار غالي
اسأل مجرب ممكن يكون مرتفع مقارنة بالمنافسات لكن كن متأكد إنها لاتستهلك مثل المنافسات يعني بدال ماتجلس القطعه عندك شهر تجلس شهرين في الأكورد<<مجرد مثال.

والله سيارة ونعم وبنت قبايل :D مو مثل الكامري الأستراليه <<< مع العلم اني لا أنقص من نجاح الكامري

ومع ذلك اقولك خذ الكامري!!! لسببين:

الأول: هو الشكل الي راح يتغير هذه السنه حرام تشتري سيارة ويتغير شكلها ومحركها ومواصفاتها بعد اشهر قليلة
الثاني: هو نفس السبب الذي ذكره اخوي علي عبدالله {اعتقد انها الاختيار الافضل خصوصا بالنسبة لنظام ( الاجار حتى التملك )}

وهنـــا صور للأكورد الجديدة 2008

الاقل

وأخيرا اقولك لاتنسى تصلي الإستخارة
والله يكتبلك الي فيه الخير

إن شاء الله اكون أفدتك ولو بالقليل

CL65 A M G

01-09-2007 01:33 PM

اناااااااااا مع من يقووووووووووول الأكووووووورد ....
شكل وجوده ...

الساعة الآن » 07:36 AM.