سوالف للجميع
(http://www.swalif.com/forum/index.php)
- قسم الحلويات والكيك والبسكويت
(http://www.swalif.com/forum/forumdisplay.php?f=36)
- - حلا بيوتي شيك.....
(http://www.swalif.com/forum/showthread.php?t=228990)
حلا بيوتي شيك.....
هذا الحلى أنا امسمتنه ع اسمي حلا أم ؟؟؟؟؟؟؟؟؟؟؟ وبسميه في المنتدى حلى بيوتي شيك لأنه ماله اسم.... يالله نبدأ.... وهالحلى يتكون من ثلاث طبقات.. ونبدأ بالمقادير.. الطبقة الأولى.. كوبين حليب نيدو << يحمر على نار هادئه فنجانين سكر ثلث كوب زيت 1 قشطه تخلط جميع المقادير مع بعض حتى يصبح كــ العجينه ثم يوضع في بايركس صوره للحليب بعد تحميره..  الطبقة الثانيه وهيه عباره عن بسكوت الكر  نصف البسكويت في البايركس اعلى الطبقة الاولى كما في الصوره ادناه  ثم يوضع في المايكرويف او الفرن لمده 5 دقائق.. وفي هالحين نقوم بعمل الطبقه الاخيره وهي عباره عن 2 كارميل + فنجانين سكر + نص كوب ماء + 1 قشطه.. ويخلط جيدا ونضعه على نار هادئه حتى تتمزج جميع المقادير.. كما هو موضح في الصوره..  ويسكب فوق الطبقات الاولى.. بهذه الطريقه الموضحه..  وهذا شكله بعد وضع الطبقه الاخيره.. ونضعه في الثلاجه حتى يبرد..  ثم يقطع مربعات صغيره ويوضع في قوالب..  جربوه وادعولي الله يوفقني في حياتي... واسمحولي ترى الصور مب انا اللي امصورتنهن يبتهم من صاحبة الطبق وأنا جربته وما صورته...  |
الله يوفقكِ في حياتكِ اختي بيوتي شيك ويطول بعمركِ
شكلها مايحتاج حلى ولا احلى ولا اروع ... بس لو انكِ حاطه توقيعكِ على الصور يكون افضل ( الحقوق لكِ ) الله يبارك فيكِ والله مااعرف كيف اشكركِ على هالابداع .. تسلمين يالغاليه تحياتي محمد الهاجري |
لله يخليك أخوي ع التشجيع..
وعلشان التوقيع لأني مب أنا اللي أمصوره الطريقه بس جربيتها أكثر عن مره والصور جبتها من صاحبت الطريقه وما حبيت أكتب اسمي عليها لأني ما تعبت في التصوير وانشاءالله أوعدكم بطرق جديده للحلويات ومن تصويري بعد... وكل عام وانتوا بخير.... أختكم بيوتي شيك.. |
اختي بيوتي..ماتحسي انها بتكون حاليه كثير..
يعني النيدو حالي شوي وكمان الكراميل.. وان شاء الله اجربها لأنها ماتاخذ وقت:) مشكووووووره اختي..وننتظر جديدك |
بس بتطلع لذيذه والكل بيسألج عن الطريقه جربيها وما بتندمين....
أشكرج ع التواجد أختي.. |
نترك الامر للعرافين ما لنا دخل في هذا الامر
السلام عليكم |
تسلم ع المرور أخوي
|
ماشاء الله أعرف هذا النوع من الحلويات و هو حقا لذيذ
بيوتي شيك الشكر لك موصول و شهية طيبة لكل من جرب أو سيجرب هذا النوع |
الله يوفقك يا الغالية سواء جربنا الحلو وله ما جربناه
تصدقين بيوتي كنت وايد أحب أجرب كل شئ أسمعه من الأكلات بس سويت الحمية وقل عدد أفراد البيت الله يوفقهم تركت الكثير من الأطباق الجديدة والقديمة بعد الله يسعدك دنيا وأخرة وتسلم ايدك يا الغالية |
إقتباس:
تسلمين حبوبه ع الكلام الطيب |
إقتباس:
الله يوفقج ان شاءالله وتوصلين للوزن المطلوب وتردين اجربين الأكلات الطيبه تسلمين الغلا ع المرور |
مررحبا...
عدنا لكم بعد غيااب طوويل... بيوتي سويت الحلا .. أعجب أهلي..مــــــــاااره وسويته تقريباً مرتين مدري ثلاث.. وهذي صورته :) عاد اذا ما طلعت واضحه اعذروني ما أعرف اصور زين  |
من بعد اذنكِ اختي ندووووي اخذت وحد وماشاء الله تبارك الرحمن طعمها حلو :)
يعطيكِ العافيه وماقصرتي واسفين على المداخله تحياتي محمد الهاجري |
حياااك الله..
بس كيف عجبك الطعم :glasses: <<تبااااخه ماهره.. :glasses2: على فكره سويت حلا الجالكسي الفاخر اللي انت نزلته وصورته بس الصور تطلع كبيره زي اللي فووق ذي.. :Sad2: بس بنزله ان شاء الله واوريك عمايل ايديه.. سوري بيوتي قلبنا موضوك سوالف :D |
لا عادي حبوبه والله استانست من الخاطر يوم شفت الصوره بس حرام ما نزلتيه في موضوع بروحه عشان الكل يدخل ويشوف التطبيق الحلو ...وعقبال ما جلربين باقي الطرق ونحنا في انتظار حلا الجالكسي....بفارغ الصبر
واذا تبغين اصغرين الصور افتحي الصوره في الرسام واضغطي ع كنترول و حرف w واكتبي رقم 40 في كلا المربعين وبتصغر الصوره ...و حفظيها عقب وحمليها ...ان شاءالله اني أفدتج حبوبه.... |
ميريسي عيوني عالطريقه سويتها ونزلت الموضوع اللي فيه الصور بعد ماصغرتها :)
|
خباااااال
انا اسويها بس بالدريم ويب بس نفس الفكره بالضبط :P صارلي من سنين اسويها بس موقف عنها عشان خاطر السكر اسويها بس بعض المرات انا تراني لكم علي في الحلويات وال ..............زز ماريد اقول هههههه بس اعجبكم بدخل بعضويتي الثانيه وبتحفكم صبروا علي شوي :) |
تسلمون على التواجد والمرور
|
بيوتي شيك ..!!
وينك ..؟ مكانك فاضي ننتظر ابداعاتك المعهوده والمعروفه واللمسات الخطيره .. اتمنى تواجدك الدائم .. واهم شي انك بصحه وعافيه .. اخوك / ابداع2004 |
شو انسوي مشاغل الدنيا..
وتسلم على السؤال والله يعافيك ان شاء الله..... |
السلام عليكم ورحمة الله وبركاته
أقول ليش قسم المطبخ في مشاركات جديدة هلا والله بالغالية بيوتي شيك .... وين من زمان اشتقنا لج كنت اتمنى أرحب فيج قبل إبداع لكنه راعي الأوله لذلك شاف اسمج قبلي نتمنى تستمرين ويانا مثل أول على الأقل كان في قسم الأسرة بوجودج حياة |
إقتباس:
الله يخليج أختي استانست بردودكم الحلوه والترحيبية..... وكلنا أخوان وكم يسوى انج سألتي |
| الساعة الآن » 05:56 AM. |
Powered by: vBulletin Version 3.0.16
Copyright ©2000 - 2024, Jelsoft Enterprises Ltd.