لعبة المبالغ النقدية
 

السلام عليكم ورحمة الله وبركاته:

لعبه حلوه وظريفه أعجبتني :D وقلت ما بدهاش لا زم أنقلها للغالين يلعبونها:)

اللعبه هي أن كل واحد منكم يالغالين يقول مبلغ من المال
ويجي واحد ثاني ويقول أيش يشتري بهذا المبلغ:glasses:
فرصه لا تعوض حقق احلامك هههههههه
مثلاً اللي قبلي قال 50 ريال :45: خمسين <<<<<<<<< مره قليله:D
وانا أجي وأقول اشتري بها مثلاً بطاقة شحن ههههههههه:D

واللي بعدي بعطيه 100 ريال وهكذا تمام:32:

يالله نبدأ

اللي بعدي بعطيك 30 ريال وش تشتري بها:)

الله الله لا تسرف هههههههههههههه
:D :D :D :D

ياه أخي عبر الأثير

أول كانت العشر ريال راتب موظف

الحين الولد الصغير ياخذها ويقولك بعد يالله تكفي

30 ريال ..... حيرتنا فيها

تدري هي تجيب وجبة لكن الروحه للوجبة يريد بترول

شرايك نصب فيها بترول في السيارة بعشر ونشتري وجبة بعشرين .... قمة الإقتصاد

أنا بكون أكرم منك وبعطي إلي بعدي 1000 درهم

واسمح لي أنقل الرابط للطرائف علشان يشارك في اللعبة أكبر عدد ممكن ... لأنها من جد حلوه

جينا هنا والله مشوار .. لووووول هذا اولها اجرت لي تكسي 100 ريال خساره :D

ابي اصلح كمبيوتري بمبلغ والله 850 ريال خرابه كثير حسبي الله على الضمان :damp:

وش عندنا بعد ابي اغسل السياره 50 ريال = 1000 ريال اختي بشاير الخير الدراهم ماكفت :confused:

انا بدوري ابعطي اللي بعدي 250 ريال اهم شي لاتسرف في الدراهم<<<علم نفسك :D

تحياتي محمد الهاجري

و عليكم السلام ورحمة الله وبركاته ..

صراحة اللعبة حلوه ..
شكراً لك أخي عبر الأثير..

____________________
أخوي إبداع 2004
ليش البخل هذا ؟! صير كريم زي بشاير و أعطي كثير .. :damp:

ممممممممممممممم 250 ريال
1- بدلع جوالي و بشحنه بـ 100 ريال
2- مشتهية ساندوش البيك بـ 5 ريال و طبعا راح اعزم امي على ساندوش و ابويا على وجبة بـ10 ريال و المجموع =120
3- بشتري الله يكرمكم جزمة رياضية ما يتعدى سعرها 100 من محلات steps
=220
4- بدل ما اشتري أربع اكواب شكولاته ساخنة من بارنيز تقريبا سعر الواحد 7 ريال بتبرع بقيمتهم و الباقي لحملة أنت تختار=250 << احم احم :D

بعطي إلي بعدي 5 ريال :D

ايه الكرم ده شايفين ياولاد <<< لهجه مصريه بحته :damp:

اقول اختي شهرناز خلي بوعلاء يسدد اللي عليه هذا خمسه ريال وجات اكراميه منكِ

ياكريمه :damp: :damp:

يالله فينك يابوعلاء سددها اخلص :cry:

تحياتي محمد الهاجري

تغسل سيارتك بخمسين ريال .... وايد

وله ناوي تنظف المكينة مع البدي

أنا أغسل سيارتي ... العادي 30 درهم (يدوي طبعا علشان ما تتجرح) ... وغسيل هيكل ومكينة 80 درهم .... بس لولو تستاهل (لولو اسم سيارتي)

شاطرة شهرناز ... دبرتي المبلغ صح ... هو كساء وطعام وصدقة وترفيه ... لكن شوقتينا لشراب الشكولاته الساخن .... نسوي رجيم طول السنة ونخربه بالمشروبات الدسمه والمحاشي

5 ريال بس .... وتقولين لمبدع سوالف ليش هذا البخل .... طلعتي أبخل منه

تصدقين مو عارفة شسوي فيها .... أحسن شئ أحطيها لرسوم المواقف ... لأن عندنا الحين مواقف السيارات بفلوس ... صرنا حتى الأرض إلي نوقف عليها ندفع عنها فلوس

من عندي للي بعدي 500 درهم

وين عبر الأثير حط الموضوع وما رد عليه ؟؟؟؟

خلاص أنا بتبرع بقيمة 3 أكواب و الكوب الرابع بشتريه لكِ << تبغى تسمنك :D
إحنا كل المواقف مجانا ما عدا مواقف الحرم بريال على الساعه ..
( عجبني اسم سيارتك لولو .. احنا نسمي سيارة أبويا بومبو :D(

----------------------------
500 درهم = 500 ريال << اشبك نقصتيها ؟! هو إبداع عداكِ بالبخل أو إيش الحكاية؟ :D

بشتري فيهم دفاية ( مدفأة ) لأن البرد جاي و ودي بدفاية كبيرة تدفي مضبوط ..

بعطي إلي بعدي 100,000 << يا بخت إلي بيجي بعدي :D

ايه اذا دخلت المغسله لابد اغسل السياره كامله 50 ريال انتم ليه الغلا ذا :confused:

80 درهم ماشاء الله .. وتستاهل لولو الله يخليها لكِ ويعطيكِ خيرها ويكفيكِ شرها اللهم امين

تحياتي محمد الهاجري

ههههههه

بس مبلغ محترم شهرناز كريمه مره شكلها انفتحت عليكِ من اوسع ابوابه :D

100.000 والله كثيره ايش اسوي فيها الميه :help:

ايه صحيح ابي اشتري سياره جديده وهذي دفعه اولى لها .. تسلمين اختي شهرناز على المبلغ الدسم .. وثاني مره حسبيني بكوب كابتشينو :D

ابعطي اللي بعدي مبلغ 10.000 ريال شفتوا الكرم :damp:

عبر الاثير وينك الموضوع ينتظرك :35:

تحياتي محمد الهاجري

معروف أخي مبدع سوالف ... احنا كل شئ غالي عندنا عن باقي دول المجلس

وبعدين هذي مغسله للي يدلولون سياراتهم ... وفي مغسلة ثانية اتصلت عليها تغسل داخل السيارة والمكينة والمكيف وكله على 500 درهم وأكثر ... ولأن سيارتي جديدة ما وديتها وبعدين أنا ما أحب أحد يسوق سيارتي وهذه المغسله لازم تتركها يوم كامل وترجع لها اليوم الثاني ... واحنا من عاداتنا وتقاليدنا البنات ما يباتون بره البيت

اللهم آمين أيها المبدع ومن قال إن شاء الله

يعني هذا الكرم ليس لوجه الله .... تريديني اسمن وأغير كل فساتيني

سميت سيارتي لولو لأنه أول حرف من اسمها .... مبدع سوالف راح يعرف النوع ... أليس مشرف على قسم السيارات ؟؟؟؟؟

تتهنين بالدفاية ... ومبروك مقدما قبل البرد

واو كرم حاتم الطائي 100.000 ريال صج يا بخت إبداع هو خذها

هههههه .. شكلها لومينا الله يستر عليكِ اختي بشاير الخير ويسدد خطاكِ اللهم امين

وبالنسبه لكرم اختي شهرناز ايه من قدي عندي 100.000 لازم ابحبح على عمري :D

يعطيكم العافيه بس نبي الهمه من صاحب الموضوع :35:

تحياتي محمد الهاجري

الظاهر إنك يا مبدع سوالف ناوي على سيارة راهية ... مقدمها 100.000 تستاهل والله

10.000 ريال تعرف أنا ناوية على مشروع ... بس قول الله ييسر ... وبحط العشرة ألاف وديعة يعني بعد سنة راح تتكاثر وهكذا

سأعطي من بعدي 200 درهم ... ونشوف شلون راح يتصرف فيها

أخوي إبداع ..

أنا يا كريمة يا بخيله ما عندي حل وسط :D
آسفة نسيتك .. بس أنا ما احب الكابتشينو علشان كذه يا تشرب زي أنا و بشاير يا مافي :D
تصدق ندمت لاني أعطيتك مية ألف قلت لو أنا خليتها عندي و إشتريت فيها السيارة كان أحسن :damp:
_________________________

أختي الغالية بشاير ..

لا بعيد الشر عنك .. إلا السمن << أكثر شيء يخوف :Sad2:
تعرفي لما قلتي لولو أول حرف من اسم السيارة جى في بالي لاند كروزر .. بس تخيلتك راكبتها حسيتها مو لايقتلك لانها شبابية اكثر .. بس ابداع ما شاء الله عرف نوع السيارة .. الله يديكم خير هاذي السيارات و يكفيكم شرها ..

------------------------------------
200 درهم ..
ما عندي فكره إيش راح اسوي فيها .. بس في الغالب راح أروح سوير ماركت و أقضي للبيت و أوفر على أبويا :OO:

أعطي إلي بعدي 150 ريال/ أو درهم

هههههه

شهرناز انتي بخيله لاتصدقين انكِ كريمه يكفي خلاص :cry: :cry: :cry:

وانا موافق اشرب اي شي بس خلوني ابل ريقي بأي حاجه لو بنزين :damp: لاتصدقون :confused:

200 ريال بس وش اسوي فيها حتى شماغ دانهل ماتجيبه :mad:

200 ريال 200 ريال <<< يفكر لووووول

ايه اشتري ( دهن عود ) ربع توله للوالد الله يحفظه ويحفظ والديكم من كل شر ويطول بأعمارهم ان شاء والجميع كذلك :)

انا بدوري اعطي اللي بعدي 25 ريال بس مافيه اسراف بعد اليوم ماهو بخل بس الاسراف ماهو زين :OO:

تحياتي محمد الهاجري

لومينا ..... لااااااا ... إذا لومينا بغسلها بعشر دراهم

جوابك خطأ .... ما في نوع ثاني غير هذا النوع

ولما عرضوا علي اللاند كروزر قلت لهم ما أحب اتعلق كأني واحد من الشباب

لكن بعد سيارتي جيب لكن من النوع الصغير

وإبداع ما عرف النوع للحين ... تركته يخمن وبنشوف يعرف وله لا

الله يسامحك يا مبدع سوالف

25 ريال بس .... والله وهقه

أقول نشتري فيها كم كرتون ماء ونحطهم مكان فيه عمال ... لعل الله يتقبل منا ويغفر لنا

للي بعدي 1500 درهم

1500 ريال
اكيد ببيع جوالي واشتري جوال جديد زي العادة:32:
--------------
السيارة لكزس ولا لاند روفر ؟

لم تذكر أي مبلغ أخي عبر الأثير لمن بعدك؟؟؟

المبلغ هو 400 ريال كاااااااااااااملة:D
ادري اني كريم وانكم مستغليني:damp:
لكن يلاه استانسوووووا:32:

أخوي ابداع ..

خلاص و لا يهمك بشتريلك كوب بنزين من أقرب محطة أحسن من الشكولاته حتى البنزين بيعطي طاقة اكثر :help:
________________________________________



كأني عرفتها جارنا عنده لكزس زي الجيب الصغير مره حلوه الله يباركلك فيها يا رب ..

________________________

أخوي عبر الأثير ..

شكرا على اللعبة الحلوه .. بصراحة عيشتنا في أحلام ما ودنا نصحى منها :Sad2:

400 ريال ... طيب كنت زودت مية يعني ما راح تخسر حاجة :D

في الغالب بروح السوق .. أعتقد المبلغ يكفي لطقم حلو ..

---------------------------------
أعطي إلي بعدي 100 ريال << على رأي إبداع بلاش اسرف :damp:

المية راح اشتري بها كرتون علوووووووك وشاهي
>>>لزوم المباريات
---------------
اللي بعدي 800 ريال كااااااااااااملة

ماشااااااااء الله والله لعبه قمممه :D

ويني عن اللعبه هذي

800 ريال

اولا : بسدد ال 5 ريال حقتي :D للاخ ابداااع

شهرناااااااز اشهدي لايزعجنا بعد كذا وترى بخليها 6 ريال عشان لايصجنا بالمره :laugh:

بقالي 794 ريال

ادخل السياره التلميع السااطع حول ال 450 ريال

اتعشى فمطعم جزيره الاحلام ب 100 ريال اما بوفيه مفتوح والله روووووعه صدق جزيره الاحلام

البزارين الصغار اللي فالبيت اوزعلهم 20 20 ريال هم اصلن في 4 بزارين يعني 80

اعبي بنزين وزيت مكينه وجير وتشييك تقريبا 120 ريال

بقالي تقريبا 44 ريال

افضيها عند كوفي داي مع الشباب زي العاده :D وخلااااص

ابداااااااااااع لا اشوف رقعه وجهك وتقولي خمسه خمسه :corsair:

بسرااااحاااا لعباااا وااايد تينن :D

اعطي اللي بعدي

1000 ريال ونص >> النص يشتري علك يعني الف ريال :D