لكزس راحت أو جت تظل تووووويوووووووتاااااااااا



مع احترامي لمحبي لكزس...



هم صحيح يسرقون ، قصدي ينقلون التكنولوجيا الى سياراتهم بشكل كبير... لكن شي واحد يهبووووون يوصلون له



ثبات الألماني ، متعة الألماني



اني آخذ سياره بسعر اللكزس LS أو GS فيها كل هالمواصفات شي جميل



لكن آخذها واروح فيها دوار بسرعه عاليه نسبياً .... وتزحف علي... معليش انا مو حاط 200 الف وزود علشان تزحف علي...



ومعليش لا يجي احد يقول لي انت ما جربتها...



اقولكم وش اللي صار معي.... لكزس GS موديل 2005... الجديده كلياً... قمة الفخامه والتكنولوجيا... كنا مستعجلين بنرجع من مكان... مسرعين ويجينا ذاك الدوار... ما توقعنا انها تزحف بحكم اننا متعودين على الماني... وما تشوف الا ذيك النطله اللي زادت عن حدها ولفت السياره وصارت مواجهه الدوار بالعكس وشوي ونرطم بالرصيف...



هذا شي



لكزس LS موديل 2004... لفه كبيره وقويه نوعا ما... هذا واحد يقولنا... ياخذها ب"طوارق" على سرعة 180 يوميا.... ذاك اليوم ماخذ لكزس 430... وكان رايح من نفس الطريق ونفس اللفه ونفس السرعه... وتنطل فيها السياره يمين ويسار كم مره لين ما ربك ستر وعدلها... مع ملاحظة ان الطوارق "جيب" ومرتفع... لكنه "ألماني"...



هذا من وجهة نظري.....



وهذا كلام رئيس الشركه في أمريكا... يوم كان استعراض ال ES الجديده


يقول بالنص "حنا نعرف ان سياراتنا سيارات لكزس ما فيها الأداء والمتعه اللى في السيارات الألمانيه... لكننا نضمن جودتها وخلوها من المشاكل... اللي يهتمون باداء السياره وثباتها ومتعة القياده بشكل كبير مو هم زبائن لكزس... زبائن لكزس اللي يبون سياره بدون مشاكل"




هذا كلامه....




ويكفي هواش... كل واحد له وجهة نظره... وانا انسان يدور المتعه والأداء في السياره




عشان كذا لكزس ما تناسبني... ولكن غيري يدور سياره فيها تكنولوجيا ولا فيها مشاكل.... ذاك الوقت انا اقول له بعنف توكل على الله وخذ لكزس



ومعذره شديده جداً للأخ "عمر" لأننا قلبنا موضوعه نقاش...




ولكم خالص تحياتي