الموضوع: الكلمة الطيبة صدقة !
عرض مشاركة مفردة
المبتسم المبتسم غير متصل    
نائب المشرف العام الظهران  
المشاركات: 18,614
#1  
الكلمة الطيبة صدقة !
السلام عليكم ورحمة الله وبركاته

قال صلى الله عليه وسلم : (( والكلمة الطيبة صدقة ))..
بصراحة منذ صغري وانا اسمع هذا الحديث.. لكن لم احس بمعناه الحقيقي الا بعد مررت بموقف حدث لي في العمل ..

معنا عامل هندي في العمل يدعى (ساجو) .. وهو انسان كئيب جدا
بينه وبين الفرح حالة طلاق


وساجو هذا هو المسؤول عن تحضير القهوة الأمريكية كل صباح .. يجي الشركة أول واحد !
وينظف ( الكوفي ماشين) ويسوي القهوة ..

حضرتي انا .. اجي الشركة ثاني واحد.. عشان اشرب القهوة أول واحد !

المهم .. جيت اصب القهوة .. وكان ساجو موجود .. بوجهه الكئيب العبوس الغير مبتسم !

شربت رشفة من القهوة وقلتله : يا سلاااااااااام !!.. القهوة مية مية .. انتا نفر كده ... شكريا باي

واصلا قهوته اقل من عادية ! ومركزة وفيها عيوب الدنيا كلها !. كفاية اصلا اني بشرب وانا شايف وجهة !
بس قلت ارفع نفسيته شوية !

المهم .. ساجو بس سمع المدح هذا .. وكبر راسه .. والابتسامة شقت وجهة شق

قلتله: لا تكفي لا تبتسم الحين... انت ما عمرك ابتسمت ، تجي الحين وتبتسم فجأة .. ممكن يصير فيك شئ

واصبح ساجو من انسان كئيب الى انسان لا تفارق البسمة محياه !

لدرجة اني سمعت من بعض العمال انه اصبح اكثر ايجابية وانتاجية في العمل !

فسبحان الله .. بسبب كلمة .. ممكن الانسان يتغير !

وفعلا .. كما قال الرسول الكريم صلي الله عليه وسلم ( الكلمة الطيبة صدقة ) !.


تحياتي

المبتسم غير متصل قديم 15-08-2007 , 04:04 PM    الرد مع إقتباس