مشكلة العرب في جميع أقطار العالم إنهم يحبون المظاهر ... لها معنى وله ما لها كله واحد عندهم

وأغلب الإماراتيين ما راضين على هذه التفاهات إلي تصير

لكن مثلك عارف يا مبدعنا ... لو تحريت عن الموضوع وشفت الأساس بتلقاها فكرة واحد دخيل على البلد ... علشان يبين للعالم إن أهل الخليج ما عندهم عقل وإنهم يلعبون في الفلوس لعب

ونسوا إن في ناس ما لاقين يدفعون أجار لبيوتهم وفي شباب صاروا عيالهم كبار وللحين ساكنين في شقق أجار وفي أخر الشهر يطلب من أهله فلوس المقاضي الضرورية للبيت

الغلا عندنا في الإمارات فوق ما تتصور يا مبدعنا ... كلمت سايقنا السعودي وهو طالب دبلوم يقول إلي تخرجوا من أصدقاءه راحوا يشتغلون في الإمارات ... يقولون له الراتب زين لكن ما قادرين نساير الوضع من الغلا الموجود في البلد

هذا غير الأسر إلي يجمعون لهم البنات شهريا لتوفير الأساسيات من الأكل

الله يديم علينا النعمه يا مبدعنا ويرزقنا شكرها