بس منو ذا اللي حاول يهرب من المستشفى .. لايكون انا بس ... ومنو مجننه ومسوي لنا مشاكل في المستشفى غيرك يا مبدعنا

يعني مسويه نفسك دكتوره ... مول ما فشلتني ... لما قرأت الرد ضحكت ... وبعدين كم مرة قايله لك إذا في شئ يحرج كلمني على الخاص ولا تقوله على الملأ

في هذا الزمن إذا لقيت حد يحبك بدون مصلحه فلقد كسبت الدنيا وما فيها ... وحافظ عليه مثل ما تحافظ على عيونك

تتعرف على الناس يا مبدعنا وتظن إنهم يعزونك لله لكن بعد فترة يهلكونك طلبات

مثلا تعرف شخص ويقدم لك خدمه عادية وتعطيه حقه وزيادة وصاير مثل ما يقولون أغلى من بيع السوق

بعد فترة تحسه كأنه يبتزك ... مرة يقول ادفع لي فاتورة التلفون ... ومرة يقول ادفع لي مخالفات السيارة ... ومرة يقول رسوم الدراسة ناقصة عندي كملها لي ... وأنا شو ذنبي علشان أدفع لك كل هذه الأشياء

وهذا الشئ صار وياي وضايقني وايد وكان من ضمن العوامل إلي تعبتني في فترة غيابي

حتى وحدة من جيرانه وافده ساكنين بالإيجار ... إذا عرفت إنه طالعين في رحلة تتضايق وتقول ناس طالعة وتستانس وناس قاعده في البيت وما عندها غير تشوف في التلفزيون

سبحان الله هذه أرزاق وكل واحد حر في حياته ... تصدق يا مبدعنا صرت ما أرد عليها لما تتصل واحنا بره البيت ... أخاف يصير لنا شئ من حنتها

ليش الناس صاروا جذي يا مبدعنا ... ما يحمدون الله على النعم إلي عندهم وعينهم في رزق غيرهم

حتى مرة قلت لها بطريقة غير مباشرة إن الرزق من عند الله ... وناس الله يرزقهم الصحة ويقلل عندهم المال وناس عندهم المال ويبتليهم الله بالأمراض ... وناس عندهم الجمال ولكن عديمي الأخلاق وناس قليلي الجمال ولكن قمة في الأخلاق ... والدنيا هكذا لا يوجد فيها شئ كامل فالكمال لله سبحانه

الله المستعان يا مبدعنا وأسأل الله أن يجمل أخلاقنا ويرزقنا القناعة

الحمد لله والله يجيب إلي فيه الخير

وسط تعب هذه الدنيا وصدماتها أحاول كثر ما أقدر أكون متفائله

لكن يا مبدعنا ساعات تحس إنك ما لك طاقة تستحمل والضغط يكون بزيادة عليك


باخذ بنصيحتك وكلامك أوامر يا مبدعنا ... بحاول بكل جهدي أكون مبسوطه

وما دام عندي أخ مثل مبدعنا يرفع معنوياتي ويشجعني بإذن الله بكون متفائله وقوية

الله يهديك شرح طويل في البداية ... صحيح كلامك كأنك بنغالي الكافتريا لما يقول قائمة الطلبات

علشانك راح أزغرط وايبب وأصوط كمان ... واحنا كم مبدع عندنا


انت تبي ترقية من شهار ؟؟؟ انا من ناحيتي قريب بتخرج وبروح أدور لي وظيفة ثانية

وحلال عليك الترقية ودرجة عميد ومستشار بعد في مستشفى شهار

وراسك سالم (ن) يا مبدعنا

خذت كل رد ورديت عليه ... حتى صرت مثلك راسي صار يدور وأصابعي عورتني ... وكمل انت الباقي

ابكون بس حتى اشعار اخر ... وليش مستعجل توه الناس

والإدارة متأمله فيك الخير ... انت جيل المستقبل ... وحاطين الأمل فيك كمستشار وعميد للمستشفى

فكر في الموضوع ولاتستعجل وأهم شئ إنك تشاور كل من حولك قبل ما تخطي أي خطوه ... حشا هذه رئاسة دوله مو عضوية في مستشفى

افاااا وليه ترددتي ... طلعت عيله يا خويه ... وبعدين يا مبدعنا الله يهديك تبط الجبد وايد تجادل

بس انا ماابي وزير الصحه ... يعني نقول وزير البترول مو ازين ... أنا وين الله يوفقني ... إنت الحين صير وزير صحة وبعدين اطمح لما هو أحسن

من عاشر القوم أربعين يوم صار مثلهم

وبعدين أنت استاذي والعين ما تعلى على الحاجب طال عمرك

احنا متعمدين نجيب مريم نور علشان لما تشوفها تنسد نفسك

لكن لا تتضايق وايد احنا بنحاول وياها تبحبحها معاك شوي ... يعني بنخليها ادخل في القائمة بدال السمسمه عشرة مثلا

وبالنسبه للبيت ايه فيه بيت وهو قلبي تعبت ارمم فيه ... وووووواي يا مبدعنا ... والله العظيم إنك فاجأتني بالرد ... وصدقا ما عندي إلا أقولك الله يسعدك ويرزقك وحده طيبة تستاهل هذا القلب الطيب الكبير

تعجبني لما تكون واثق من نفسك ... عشرة على عشرة

مرحبا ملايين يا مبدعنا

الحمد لله شغلي حلو وفيه تجديد وأنا استانس لما أنجز شئ وتشكرني مديرتي عليه

لكن عندي وحده الله يهديها ناشبه لي مثل الشوكه في البلعوم ... متعبتني نفسيا بحركاتها يا مبدعنا ... الله المستعان

والله يسلم الوالده ويحفظها ويسلم من جاب السلام

وما يعني المكان إذا رحل عنه أهله ومحبيه

حتى مبدعنا الغالي الذي كان أنس هذا المكان لم يعد يدخل أو حتى يمر ليلقي التحية كما كان في السابق

إن القلب ليعتصر ألما لرحيل أصدقائه كما كان يسعد بوجودهم وقربهم

الله يحفظ الجميع وعساكم في أحسن حال دائما وأبدا

السلام عليكم ورحمة الله وبركاته ..

ياهلا والله ومرحبا بأختي الغاليه بشاير الخير ..

ولاشك اني اشتقت للمكان واصحابه ..

ولكن ظروف مايعلم فيها الا ربك .. والحمد لله على كل حال ..

وانا هنا ماراح اغير مكاني ..

انتظريني راح اخلي راسك ينفجر من هذرتي <<< كف

ايه مصري سلمك الله يقولون راضع من ماما تفيده

وأوي لها صيت عند اللي يبيع الثلاجات .. اسأله عن ثلاجة توشيبا يقول لي احسن ثلاجه نزلت السوق وبرودتها ممتازه أوي أوي أوي

ولازال الكسل يسري في عروقي السودانيه <<< تراهم مااعرفوا لك مره مصري ومره سوداني

وراح نحول على الليبي واعرف كم كلمه جزائريه وتونسيه ومغربيه ولا انسى الهنديه

علشان تجمع الدول العربيه واصير جامعة الدول العربيه بس الهنديه وش دخلها لاتسأليني

ان شاء الله راح احافظ على برستيجي وماراح انسى بس بالله وش السالفه

ابي منديل صرت اسبح من الماء المكرر

ماعليك زود بس لاتعطوني وجه .. بعدين اسدأ

كروهات وصغيره بعد ولونها احمر واصفر وزمردي ونحاسي وداخلين مع بعض لزوم الكشخه تكمل

وبسم الله على عينك

هههههههههه طيب مشيها لأخوك الفقير المسكين

بس تعالي اي فولتات اللي اخذها .. هل بإمكانك ان تشرحي لي مانوع الفولتات

علشان بس احسن النيه ومااشطح بعيد وافكر بنوع ثاني يوديني في داهيه وانا رااااقل مستقيم

اللي بالاحمر .. والله خطير هالمثل بس ياويلك اذا تكهربت حاولوا تبعدون عني شويه

حشى متفجرات مع كهرب وعقرب .. شكلك تقصدين عقرب الساعه مو

^
^
^
من النافذه برا

والله اني خجلان بالحيل .. والمفروض ارد في حينها على هالكلام الطيب ..

عاد نبي منك السموحه بشوره ..

ولك بالمثل ..

الله يكفينا الشر ..

اللي بالاخضر .. كلامك عين العقل وموزن ومن يومك حكيمه ولبقه وتفكير راقي واسلوب انيق ..

وهذا يشرح شخصك الكريم .. الله يحفظك

اللي بالاحمر .. ايه عجبتني بالحيل ماادري بالزاف ماادري أوي

ولازم ماتخلص الطلبات خليني اسوي لك قرون على الاقل

اللي بالازرق .. خلوني اتفلسف خلوني اسوي نفسي مثقف خلوني اعرف الحيوانات بإسم ثاني

علمي بحت حتى يتحرك العقل من الجهه اليسرى وبكذا يشتغل في السليم

والعقل السليم في الجسم السليم <<< من وين هالثقافه يايبها

الاسماء القديمه الوكاد انها حلوه بس تغيرت الدنيا ..

والنعم في اسمك من خيرة الاسماء عمتي عاشه ..

هههههههههههههه

طيب وانتي وين رحتي وفوزيه برضوه

اللي بالاحمر ... ههههههههههه اسفين وخلاص ماااعودها مره ثانيه وراح اكلمك على الخاص

بس وين هالملأ

عندك فلكه

اللهم امين ..

ماازيد على كلامك وصارت معي مع الاسف الشديد .. حتى كرهت اليوم اللي عرفتهم فيه ..

حوالات وهدايا بالهبل وفي الاخير صفر على الشمال ..

مع الاسف اللي مثل كذا لازم تعرفه قيمة نفسه وكبر حجمه ولابد تهينه على شان مايستوي له

ريش .. ومع الاسف الشديد طيبة القلب والتنازل ونسيان اللي راح ..

ماهو بخوف بس ندور الستر .. والصراحه كفييتي ووفيتي يابعدي كلام مقياس ورائع .. اهنيك على فكرك ..

ثقي تماماً اكتب هنا اللي في خاطري ومن اقصاي لــ اقصاي وبكل صدق وشفافيه

واعرف الطيبين اللي مثلك ومثل شرواك .. وبصدق تجي ساعات الواحد يطلع عن طوره

بس الشكوى لله .. وشوفي وكم شهر مر على الكلام ولاشفنا شي ..

اتمتى التغيير في سياسة المنتدى ..

ولايهمك وانا تحت امرك في اي وقت وانا اخوك ,,

اللي بالاحمر ... ههههههههههههه بنغالي مره وحده خليهم بنغاليين مره ثنتين <<< كف

اللي بالاخضر .. زغردي ويببي بعد واصوطي لين الفجر <<< عرس على غفله

ومبدع واحد تعبت وانا اقول مبدع واحد <<< شكله ماخذ(ن) موقف في نفسه

اللي بالوردي .. يليق بالبنات ويحاول يلطف الجو ويقول بكل شجاعه وهو بكامل قواه العقليه

مابدي اي ترأيه دخيل الله مابدي مابدي مابدي <<< هذا الفيس يدل على ان اللي يتكلم

واحد(ن) متواضع ويعطي الحق من نفسه ويقول لأخته بشاير الخير خوذي لك هالترقيه

انا متنازل عنها .. والمكان المناسب في الشخص المناسب وشكراً

لأحد يصفق ويستغرب من التواضع اللي انا فيه كل(ن) بمكانه والله ماتقومون

وراسك سالم(ن) من الشر يابشورتنا <<< تراه مايقلد ابد

اللي بالاحمر .. يؤ يؤ يؤ لاتقولين كذا وبعدين وش شايفتني اكمل بنغالي اللي يقول طلبات الكافتيريا