أخوي راعي الإيفو ... كلامك عن الأكورد غير مقنع بتاتاً .... انا اقولك ليش ...

سياتري انا 4 سلندر انا اقولك إن مشيها ضعيف مقارنة بالكامري والألتيما اللي تجي مب جنوط نسميها طوس لأنها خفيفه ... الييارة سواقتها جداً راسيه وممتازه والله انا اتمصخر فيها على سرعة 160 و ماشاء الله ثابته و اي واحد في الشارقة يعرف منحى المدينه الجامعيه اللي خلف الجامعه الأمريكيه ادخله على سرعة 110 و الله ثابته و ماعليها كلام , السيارة ممتازه ومافيها اي عيوب تخليها اسوأ مثلاُ الألتيما اللي ماشفت واحد مايتشكى منها.

و الماجنا 6 سلندر صرفية البترول فيها حدث ولا حرج و الحينه بعد الألتيما إسمحلي ضعيفه. وانا سايق 6 سلندر و موصل فيها إلى نهاية الطبلون على راحتها ومافيها مشاكل , ياخوي هذي سيارات يابانيه لاتقارنها ب BMW في الخطوط ترا مليون نظام أمان فيها و على إنها موديل 90 بعد .... ياليت اخوي تروح الوكاله و تخبرهم عن مشكلتك يمكن يحلوها لأنه صدق انا الحينه ماشي بالسيارة 40 الف و مشكلتين عندي بس وهي تدخل صوت على سرعات عاليه يعني بعد 120 و يوم ارجع بالموتر اسمع صوت نقعه وانا عارف ليش طايح في حفره و تعور المساعد الامامي الأيمن ...( علىة قولتنا جامبين :p )

شركة هوندا اكثر شركة شفت فيها تعتيم علي موديلاتها الجديده
حتي اذكر واحد امريكي في مونتدى للهوندا يطلب من الهوندا ادارة السي أي إيه
علشان ما تطلع أسرار الامريكان

من الهم ما يضحك

ما اعتقد 2008

انا قبل فترة الوكاله اتصلت فيني واخذت السيارة وغيرت لي نظام الباور ستيرنغ وتقول انها طورته للافضل ولكن انا اشوف انه ماتغير شي وان لما الف السكان صار بروحه يبي يرجع ويصير في حالته الاصليه حتى تحس انه هو إلي يلف اليد مو اليد إلي تلفه والله خوش تطوير فيه
قريب راح اخذ سيارتي للصيانه 55 الف
وراح اشوف اذا راح تتغير ولا لا في المشي

والله يا راعي الإيفو ، إذا بتجيب لي تجربتك وتجربة واحد معك .. أنا أجيب لك تجربتي وتجربة ألف واحد معي

ياخي يكفي إن الأعضاء ما أعجبهم كلامك .. أنا ما أتهمك بالكذب لا والله .. بس أتوقع إن المشكلة في سيارتك فقط وسيارة خويك .. ياخي يكفي إن عالم السيارات كله معجب بالاكورد .. ما شفت موقع إلا ويعطي الأكورد أعلى التصنيفات والدرجات .. ولا فيه تصويت إلا وتحصل فيه الأكورد على المراكز المتقدمة .. ولا شفت مقارنة إلا والأكورد ما تنزل عن المركز الثاني إن نزلت عن الاول طبعا ..

أنا عن نفسي .. أعتبر شرائي للأكورد من نعم الله علي .. وتوفيقه والحمد لله .. سيارة ولا كل السيارات .. صحيح إني ضحيت براحة المراتب وأنا قاصد الشي هذا .. لأن التضحية براحة المراتب راح أكسب من وراها مزايا أخرى لا تكا تدجها مجتمعة في سيارة أحرى

تقول لي أوبل .. أقول لك الأوبل أم الخرابات .. لا تحمل ولا شي .. وهذا من شيء مشاهد أما عيني ما أقول قالوا الناس .. وأنا أكره ما أشوف بالسيارة كثرة خرابها

تحمل + مواصفات + رساوة + رحابة + جودة + جمال وفخامة = أكورد فقط

كامري .. تنقصها الرساوة والمواصفات

ألتيما .. تنقصها جودة المواد الداخلية وبعض المواصفات

أوبل .. تنقصها الجودة والتحمل

سوناتا .. تنقصها الجودة والمواصفات .. مع إنها أقرب سيارة للأكورد من الناحية هذي

متعصب .. متشدد .. مو مشكلة .. بس أهم شي أقول الحق

كيفكم شباب عساكم طيبين المهم حبيت اشاركم وبسبب لكم قلق شوي
بخصوص الاكورد الحمدلله انا عندي 2002 v6 صار لها اربع سنوات عندي وماشيه 106 الاف وماشكيت من شي وماوديتها الا فحص الالف والعشرة الاف للوكاله والباقي انا اشتري لها القطع واركبها باي مكان لانه فيه شوية نصب بالوكاله يعني قيرها ومكينتها وكلشي فيها شغال تمام وزي العسل بس حبيت اقولكم بخصوص الصوت على سرعات عاليه بالنسبه للجديده خويي عنده وحده 2005 ووداها وغيرو له الجلد حقت الباب على الضمان لانها كانت فيها مشكله وبس يعني مشاكل بسيطه تكاد لا تذكر حتى بالجديده :banana:

راعي الايفو

سيارتك القديمة كانت عادي ولا اوتو ؟؟

السلام عليكم

والله بصراحه مو قصدي تعصب ولا قصدي أنتقد أحد

بصراحــــــــــــــــــــــــــــــــــــــــــــــــــــــــــــــــــه

زي الأكورد مافي (من فئتها طبعا). يعني بكل أمانه تقارن مع المرسيدس (من ناحية الجودة فقط).

أنا عندي أكورد 98 وطبعا ماشريتها إلا بعد ما عرفت من قريبي (عندهم أشهر محل تأجير سيارات بالسعودية). قالي كان عندهم أكورد يأجروها, يحلفلي انهم ولمدة 10 سنين مافكو الكبوت حق السيارة إلا عشان يغيرو الزيت لا أكثر (هذا محل تأجير سيارات, ومعروفه سيارات الإيجار كيف تنكرف).

عموما سيارتي الحين ماشاءالله عدت ال 260 ألف وكرفتها كرف الحمير (الله يكرمكم) ودايما أطلع فيها طلعات بحرية (يعني رمال ومطبات وحفر وطين) وما شاءالله السيارة مثل الحصان.

للأمانه: طول فترة امتلاكي للسيارة (وهي لحد الآن معي) الإصلاحات اللي صلحتها فيها فقط رديتر وصحن كلتش. لأني أيام المطر أمشي فيها لأماكن تدخل الموية داخل السيارة من عمق المنطقة وطبعا ولله الحمد والمنة ماعمرها طفت علي.

تحياتي, ولا أحد يزعل مني لأني بصراحه من أشد المعجبين للأكورد وللأمانه حبيت أتكلم في الموضوع وأقول الحقيقة<-------------- صارت قضية سياسية

بالنسبة للجودة خذ اي سيارة من سيارات هوندا وانت مغمض :knight:

الله إيهني كل واحد إبسيارته قولو أمين

مل = كل

آمين يارب

شاككككر لكم الردود وتصدقون كنت ابدفع قيمتها يوم الخميس بالوكالة لولا الله ثم اخوي قالي صل صلاة استخارة واللي يكتبه الله فية خير وبركة يوم صليت استخرت وقلت ما بدهاش خلها للموديل الجديد احسن و طول فترة ما تتغير وانا معي سيارة بيك اب ولا فكرت اشتري سيارة لولا ضغط الاهل علي يبون سيدان وبصراحة طلعت خيرة يوم اخرتها للموديل الجديد انا من عادتي اكرف السيارة 10 سنين وبيع واذا بعت الموتر الف واحد يبية لاني من عادتي احافظ على السيارة مهما كان نوعها لانها بصراحة الاهتمام بالسيارة من شخصية المالك وانا يهمني اخذ شي توة نازل ومتطور وفية جميع الانظمة والاهم فل كامل .


تقبلو تحياتي شاكر للجميع


جايك يا اكورد 2007

الله يعينك ويوفقك .. وزين ما سويت في صلاة الاستخارة

لازم تنتظر سنة ونصف حتى ينزل الشكل الجديد ، طبعا ينزل في أواخر 2007 على أساس إنه موديل 2008 بإذن الله تعالى

لازم تمر الأكورد على خمس موديلات بنفس الشكل ، من 93 إلى 97 شكل .. ومن 98 إلى 2002 شكل .. ومن 2003 إلى 2007 شكل إن شاء الله

بالتوفيق أخي الكريم

الله يكتب اللي فية الخير اخوي عالبال شاكر لك