هلا غاليتي فوزية ...
وانتي وسوالف بعد بتمون فقلبي للابد إن شاء الله تعالى.
وسامحوني على غيابي..
بس انا كنت موصية بشاير توصاية إنها ما تترك سوالف وتظل متابعتنها أثناء فترة غيابي...
والآن جاء دوري لأستلم الراية منها....حتى تعود مرة أخرى بعد العيد إن شاء الله...

جزاكم الله كل خير وكل عام وانتوا بخير ومبارك عليكم الشهر ...(:

صح فطورك اختي زهرة
وهلا بك وانت بعد غالية علينا
ونحن اسعد بوجودك حبيبتي معنا

أظن الكثير منا سمع بالأمطار الغزيرة التي هطلت على الرياض

وعندما تفكرت في الأعضاء وجدت إن أخي الضبع من الرياض

فيا ليت يا بومحمد تدخل لتطمئننا عليك وتقول لنا أخر أخبارك

ومن خلالها نطمئن عليك أخي الفاضل فقد طال غيابك

نحن في انتظار اخي بومحمد

تستاهل أكثر يا سراج سوالف

وانت ما قصرت في أي أحد منا يا بومحمد

ربي يحفظك ويديم علينا أخوتنا فيه

اللهم امين

نحن في انتظارك اخي بومحمد

اللهم امين ..

والاكيد اشتقنا له ولحروفه العذبه ..

اسأل الله ان يجمعنا على خير ...

ما شاء الله بو محمد سراج سوالف ويانا في المنتدى

السلام عليكم أخي الضبع حياك الله ويانا من جديد

وكيف تقول فصلتوني ومن قلوبكم طردتوني واحنا ننتظر عودتك

من جد أنا فرحانه إني شفت اسمك بيننا ويا ليت ما تغيب هالكثر مرة ثانية يا بومحمد

أكيد بقية الشله (إبداع وفوزية) بيفرحون مثل ما فرحت أنا برجعتك


الحمد الله على السلامه يا بومحمد والله ما يحرمنا من تواجدك الطيب بيننا

هلا وغلا بالغالي بومحمد ونتمنى ان تكون معنا قلبا وقالبا
اهم شيء انك بخير وصحة وسلامة

بومحمد هنا اقبل الخير واقبلت معه يابومحمد ..

أسفرت وانورت وأستهلت وأمطرت يابعد حيي

وصلاة الاستسقاء اليوم .. والحمدلله ونزل مطرات صغيرات

ياهلا والله ومبرحا مليون .. لاتقطع يابومحمد وخلنا نشوفك على طول

اللهم امين ..

اسم لامع وله حضوره .. تمنيت اني اشوفه بيننا ويرجع مثل اول واحسن بمشاركاته الهادفه الرائعه ..

ومواضيعه الخطيره ..

اتمنى لك الصحه والعافيه وللجميع

ومن قال يسلم ويسلم غاليك ..

بو محمد = ريحة المطر .. دائماً كذا اشوفه مقترن اسمه بالمطر وريحته الطيبه ..

لاهنتِ اختي بشاير الخير والوكاد منوره الحته والحمد لله على سلامتك ..

بومحمد مو ريحة المطر وبس

حتى لما يطرون البحر تتذكر لهفته وحبه له

الله يحفظه وين ما كان ويحنن قلبه علينا ويدخل حتى لو مرة في الشهر

حلوة منوره الحته ... حسيت نفسي معلمه توحه

ما تيوز عن سوالفك يا مبدعنا ... إلا أدور في شجرة العائلة عندكم يمكن يكون لك عرج مصري

اللهم امين ..

ايه لأنه من الرياض يحب البحر كثير .. تعرفين فاقدين هالشي هم لووووووووول

والله يحلي ايامك .. تراني قلت لك في احد الردود المعلمه توحه هههههههههه

يمكن يكون فيه عرج مصري ليش لأ ..

بس لاتتعبين نفسك لأنو مافيه هالعرج بتاتاً البته

تراني اسأل واجاوب واحاور واناقش واستفسر واعلل نفسي بنفسي واشوف الاجابه وافيه على نفسي فكم نفس في ذلك <<< كف

سبحان الله احسها صعبة مدينة بدون بحر

احنا كل إمارات الدولة تطل على بحر وله محيط





رايك ما أتعب نفسي وأدور في شجرة العائلة

يعني بالعربي الفصيح أخذ كلامك مسمار بلوح

وبعدين بيني وبينك بعد كل هذه النفسيات في الجملة الأخيرة مو حلوه أشكك في كلامك

المساحه لها دور كبير ياوخيك .. يعني بيننا وبين الرياض تقريباً 300 كيلو

مسافه ماهي بشويه عن البحر ..

والامارات جيتها ماشاء الله تبارك الرحمن .. زرت دبي وابو ظبي وعجمان والشارقه ..

وكلها شجر واهتمام واضح من حكومات الامارات ..

والله يحفظ الامارات وشعبها ..




ايه رايي لاتتعبين نفسك .. ولاتدورين في اغصان الشجره اخاف تطيحين لوووووووول

خوذي كلامي مسمار في شجره بعد

اللي بالاحمر / شايفه كيف هذا الكلام اللي يسكت

مثل ما قلت لك يا مبدعنا هالأيام زايرتنا اختي من الكويت

وهم عندهم بيت ملك في أبها يزورونه دايما وفي أحد المرات رايحين الرياض

تقول وايد حلوه وشوارعها وأبراجها تلف النظر

ومن يومين كنا في أبوظبي وبدال ما أروح شارع الإمارات خذتهم من شارع زايد

انبهرت في الأبراج والعمران الحاصل في دبي ... لأن ما شاء الله دبي في تجدد مستمر الله يحفظها

والدرب إلي كان صحرا بين ابوظبي ودبي صار الحين كله عمران وشركات

الله يحفظ بلادنا وجميع بلاد المسلمين


عيل خايف علي أطيح من الشجرة إذا دورت ... طلعت مو مصري في الكلام بس حتى في البكش

كلامك مسمار بشجرة ... حتى المثل حرفته بس علشان لا أدور في شجرة العايله

الله يحفظهم وحياهم الله على بيتهم ومحلهم ..

والرياض اكيد تطورت ولسى فيه مشاريع جباره راح تلامس ارض الواقع ..

اما عن شارع الشيخ زايد فشفته اكثر من مره في التلفزيون وشي خيالي

والله يحفظ الامارات وشعبها ..



يعني هذا جزاي اني اخاف عليك



حتى هنا اخاف عليك تراها ماهي بشجره بس هذي غابه ويمكن يطلع لك قطيع من الذئاب <<< يازيني وانا اتفلسف