بسم الله الرحمن الرحيم
ـــــــــــــــــــــــــــــــــــــــــــــــــ

هاذي ارقام نيسان Z350 موديل 2004 بالتجربه من مجله EVO::::التجربه كانت ضمن مقارنه بين سيارات من فئات مختلفه منها::: GALLARDO و MITSU EVO 8 و البورش كايين و الهولدن مونارو و الاوستن DB9 و غيرهم وايد...

المهم انا حبيت اني احطلكم ارقام التسارع كامله بالتجربه للZ350:::

0-30= 2,5 ثانيه
0-40=3,7 ثانيه
0-50=4,8 ثانيه
0-60=6,1 ثانيه
0-70=7,9 ثانيه
0-80=9,8 ثانيه
0-90=12,2 ثانيه
0-100=14,8 ثانيه
0-110=17,8 ثانيه
0-120=21,9 ثانيه
0-130=26,6 ثانيه
ـــــــــــــــــــــــــــــــــــــــ
الربع ميل(400 متر)=14,7 ثانيه

السرعه القصوى=153,2::::

طبعا جميع السرعات تقاس بالميل:::

100كم=62 ميل

الارقام هاذي كلها بالتجربه على حلبات و السيارات تنساق من سواقين محترفين:::يعني خاليه من حسابات الكمبيوتر:::::

و الي بيتعرف اكثر على المقارنه خل يشوف مجله EVO اخر عدد..لانه المقارنه حلوه حيل و فيها مواتر وايد و معلومات تفصيليه لكل السيارات:::: هذا غير تجارب سيارت خارج نطاق المقارنه و منها الكرايسلر 300C.....


تحياتي

يعني اللومينا ممكن تطوفها مثل الماي وبتكون المنافسة بينهم قوية لكن وين اللي يقول راحت أيام اللومينا بالأتيما؟

خل يقدر الزد عليها أول

حياك الله اخوي RED Chevy و منو هذا الي يقول :anger: ان الزد اليديد يقدر على الومينا SS...اصلن بالكويت عندنه هذا يعتبر من اجحش السبورت.....تصور اصحابه يخافون من الاودي TT مع ان اضعف بوايد و اثقل....هذا شكله مثل الي قبله ما ينفع اله حق تخميس

مع العلم ان هذا يعتبر افضل تسارع لحد الان(بالتجربه)...مجله MOTOR TREND يابوا في 6,2....و الومينا SS 5,9 ثانيه بالتجربه


تحياتي

يعطيك العافيه اخوي وائل على الموضوع الجميل والتسارع بس ماقلت لي تسارع الومينا اس اس 5.9 للقير عادي ولا الأوتو؟;)

اخوي TOYOTA - OBAS الصراحه ما اذكر لانه المجله كانت عندي من زمان...بس اعتقد ان عادي...و بعدين مو مشكله لانه الومينا SS الي عندنه بالخليج اوتو يمصخر بالزد اليديد و هذا الشي شايفه بعيني بس مو مهم لانه ما عندي دليل عليه...لاكن انشاالله هذا الشي يكون بتصوير و اضمن لك ان الومينا راح تعطي فرق كبير ما يقل عن شبه كامله....

تحياتي

كل شي جايز انا عندي فيديو كرولا ضد لومينا اس اس وقامت الكرولا على الومينا

وانا بعد شايف زد350 مع لومينتين SS من جم يوم مرو علي هوى والزد كان جدام بفرق عامود يمكن:think: لكن كل سباق وقومه لها ظروفها;)

للأوتو يا حمد لأن العادي في 5.4:p

وواحد من الأعضاء هني قبل فترة جابها في 5.9 بعد:banana:

اخوي بلاك شيفي ...
بس مجلة موتور تريند جابوا ال 100 خلال 5.34 ...فكيف يجيبونها هنا في 6.1 ؟
بعدين انت تتكلم عن الاوتو ولا العايدي ؟؟؟


اخوي ريد ...
هالمجلات اللي تقول ان الزد تجيب ال 100 ب 6 ثواني قالت ان اللومينا تجيبها خلال 6.5 ......
















اخوكم الشبابي

هلا والله

من زمان ماتناقشنا معاك ياريال

اللومينا يابعد جبدي معقولة في 6.5؟

قلبها بعقلك وشوف تصير أو لا

موقع بونتياك الرسمي حاطين للGTO قير عادي 5.4:banana:

يعني ال5.9 للأوتو صح؟

دام الكابرس SS في 6.9 اللومينا تكون في 6.5

هذي المسألة عقدتنا وايد...

بس الأكيد أحين إن الزد أوتو واللومينا أوتو نفس القوة 90% والباقي يعتمد على الضروف يعني ممكن اللومينا تتروح ويمكن الزد يروح:p


بس هالمشكلة مابتنحل إلا لما بلاك شيفي يجيب صور القومات

اخوي ريد ...
اللومينا قالوا في 6.5 ومرة في 6 وكل مرة يجيبون ارقام مختلفة ...
اساسا العملية تخضع لظروف كثيرة ...
اما الزد اوتو فهو يجيبها خلال 5.8 حسب كلام التجارب ...
وانا ما انكر ان الومينا تجيب اقل من الارقام هذي ... بس اذا كان الكلام ينطبق على الومينا فأكيد ينطبق على الزد .....









اخوكم الشبابي

http://www.motortrend.com/roadtests...350z/index.html

هذي تجربة موتور تريند للكشف وقير عادي جابو ال100 في 6 ثواني;) ;) ;)

هلا شباب

انا عندي لومينا اس اس 2003 حسبت ليها الى 100 في 6.1 ثانية مع انها فحطت شوي يعني يمكن تجيبها في 6

بالنسبة لقومة الزد مع اللومينا اكيد بتكون القومة قوية ومثل ماقالوا الشباب احتمال يقوم الزد واحتمال تقوم على اللومينا وكل هدا يعتمد على السواق لان اللومينا اذا جت توماتيك يبي ليها سواق بعد مو بس الجير العادي يبي ليه سواق;)

انا اتوقع لو تصير القومة اللومينا بتروح لكن اذا راح الزد من القومة بتجي ليه اللومينا اول ما تبدل ثالث

اخوي TOYOTA - OBAS طبعا لكل قومه ضروفها لاكن اذا انت تعرف ان الموترين ستوك و الاثنين قياده والقومه صارت جدامك من اولها هذا شي ثاني...مو بس جذي عندك موستينغ lx ستوك طاف الزد سيارتين و ظل يسحب لولا ان راعي الزد منع....المشكله انت تقول مروا عليك يعني ما تعرف ضروفها..ممكن الومينات مطمرينه....و شنو الموتر هذا الي راعيه يخاف من اودي tt ... سلندر4 تيربو قد التفاحه...مع العلم ان الومينا يعطي الاودي اكثر من شبه..مع ذلك لكل قومه ضروفها;)

اخوي الشبابي التسارع ال6,1 هذا من مجله EVO و هاذي ما تقل شهره عن موتر تريند...اخر عدد و التجربه كانت لموديل 2004 طبعا....
و انا اذكر ان مجله موتر تريند يابت 6,2 اول ما نزل الزد(انشاالله ادور المجله و اقولك العدد)..

و بعدين ليش هامكم التسارع بس..التوب سبيد تبع الزد بالتجربه 260 تقريبا و روحوا سئلوا اي واحد عنده لومينا و سئلوا جم ياب الطبلوم...


تصدقون في شي واحد قاهرني...الحين مكينه الومينا اهي نفسها مكينه الكمارو و الكمارو يلعن خير الومينا و هذا كل بسبب القير..يعني الواحد يمكن يركب قير كمارو على الومينا؟؟؟؟!!!

يعطيك العافيه اخوي LUMINASS2003 على المشاركه


تحياتي

هلا اخوي
اشكرك على الموضوع بس حبيت اقولك
ان تسارع الزد من 0الى 100 = 5.6

واذا حبيت تتأكد ترا هذا هو الموقع

http://www.edmunds.com/new/2004/nis...ntent...Nissan*

حبيت اضيف بعد
ادخل هذا الموقع موتر تراند
وشوف تجربه الزد القريدي توين توربو والزد العادي
http://motortrend.com/features/perf...308_tuner_350z/

وشوف تسارع الزد القريدي توين توربو والزد العادي

القريدي من 0 الى 100 في 4.61
والزد العادي من 0 الى 100 في 5.72

وهذا موقع اخر عطى تسارع الزد اقل من 6 ثواني
http://www.advanceautoparts.com/how...t200304013z.htm

والسموووحه

اللومينا اثقل من الزد و هالشي مش في صالحها
انا من تجربتي مع الزد ( سياره اخوي)
كان بعده ما عدى 2000 كم و توه طالع من الوكاله للسرفيس و جربت مع اثنين من الربع الزد جير عادي و الشباب عندهم واحد 2002 و الثاني لومينا باب واحد 2003....... 2002 تقريبا الزد جدام بفرق سياره لين جير ما بدلت 5 بعدين خفينا السرعه..... الكوبي مالها امل ورا بفارق كبير
اللي يساعد الزد الوزن و عزم المحرك

رجـــــــــــــــــــــــــــــــــــــــــــــــــــــــــــــــــاء

لا احد يتكلم بدون واقع تجربه

يوم الاحد الموافق 11/7/2004

صارت ثلاث قومات
Z350 قير عادي مع لومينا SS عليها هدرز و اكزوزست سستم
القومه صفر /800 قدم الزد مسافه ثلاث سيارات و انا اللي اسوق الزد

و القومه مصوره لاكن صاحب اللومينا رافض انها تنزل في المنتديات و انا اعطيت صاحب السياره وعد اني ما انزلها لاكن

اللي يبي يشوف القومه ممكن يقابلني انا من الدمام و اخليه يشوفها بنفسه على الكاميرا و يتأكد ولا احد يقولي ارسل القومه بالايميل لاني وعدت الرجال .


ثانيا
القومه Z350 قير عادي مع لومينا SS كوبيه مكنسل الدبات الخلفيه و مركب مواسير بدال الدبات .
القومه صفر /700
قدم الزد مسافه الصدام مع العلم اني في وسط القومه طلع علي فورد كراون فكتوريا و خففت و كملت القومه و النتيجه

قدمت مسافه صدام .

هذي القومه صورها واحد من شباب سيهات و القومه صارت في كورنيش سيهات .


جربنا مع نفس اللومينا على حسب الاتفاق اننا نعيد القومه من صفر و بعدها نعيدها من سرعه 30 مسافه 700 متر

القومه الثانيه مع نفس هذي اللومينا الكوبيه
من سرعه 30 مسافه 700

قدمت اللومينا مسافه نص سياره .

و على حسب الاتفاق اننا نعيد القومه الاولى من صفر لانه في سياره ضايقتي .
لاكن صاحب اللومينا قال ان القير صار يفوت و رفض يعيد القومه من صفر و بعد محاولات اتفقنا نجرب من سرعه 70 مسافه 700 و قدم الزد مسافه نص سياره و قبل نهايه المسافه قدمت اللومينا لاني مابدلت الى الخامس و قدم اللومينا علي بفرق بسيط جدا.


القومه مع موستنج 97 عليه كرونا
المسافه صفر / 800
قدم الزد مسافه لمبه كامله .

جميع القومات مصوره و انا بنفسي اسوق الزد فأرجوا من الجميع انهم مايحكمون بدون اي تجربه و للعلم الزد ستوك جديد و اللومينات عليها شغلات خفيفه .

و هذا وزن اللومينا من موقع الشركه في استراليا 1600 كيلو
الموقع http://www.holden.com.au/www-holden...a?modelid=12001
و هذا وزن الزد من موقع نيسان الشرق الاوسط 1530 كيلو
الموقع http://www.nissan-me.com/350z/350z_specifications.htm

فرق القوة
اللومينا 1600 كيلو تقسيم 328 حصان = 4.87 للحصان الواحد
الزد 1530 كيلو تقسيم 294 حصان = 5.20 للحصان الواحد .

واضح تفوق اللومينا في معادله الوزن للقوه لاكن النتيجه على الارض اضهرت تفوق الزد.

هلا والله وائل :p كل سياره فيه الاقوى منها وانا ماعترف بعدد الاحصنه او اي شي الي اعترف فيه الواقع وهذا الشي جدام عيني الزد يجدم على لومينا اس اس وهو ستوك والومينا مادري اذا عليها شي ولا وكاله ,, والموضوع الثاني يتعلق بالدروله فيه شباب مشاء الله درولتهم ماعليها كلام وفيه شباب مايعرفون يشبكون في القير ..وبالنسبه للأودي ليش تعتبره خوف يمكن الريال مايبي ينزل مستواه;)
والأودي هذا ماعترف فيه وهو خمسه سلندر مش اربعه على ماعتقد:think:

الومينا اس اس قويه وماعليها كلام لكن انا انسان ماقدر اكذب عيوني ومع العلم اني شفت موستنق GT يقوم على SL55 AMG بس مادري شنو الي على الموستنق :cool:

تحياتي

كلام أخوي انفنتي صحيح 100%.

وأوافقه بقوه. :anger:

واللي يقول اللومينا تطلع.


أقوله أحلق شنبي اذا ما جاك الزد من بعيد قدامها يقطع.

دام زياد يسوق الزد ماقول غير الله يهدي اللي بيجرب معه


لكن يازياد لاحظ شي واحد بس

اللومينا الثانية حرام يطوفك

خلنا من ذي كله إحنا قلنا الزد أوتو يمكن مايمسك مع اللومينا( تطوفه بمعنى أصح) إنت قير عادي ولومينا بتعديل بسيط وقير أوتو يتقدم عليك ولو بملي واحد بعد حرام;)

ودي لو تجرب دز أوتو مع لومينا ستوك وهني نعرف منو أقوى;) ;) ;)

ووزن اللومينا 1580:banana:

ذي للسيدان....

عبدالرحمن بس ماتشوف ان السيارتين نفس الوزن وحتى لو كانو جنب بعض او قدمت الومينا على زد اوتو ماتشوف ان شي يفشل سياره ثمانيه سلندر و328 حصان مع سياره سته سلندر 287 حصان ونفس الوزن وجنب بعض هذا اذا ماقدم الزد؟:eek:

قلت نمن قبل يابوشهاب...

النتيجة الصح مابنحصلها بالمواقع والأرقام...

تجارب شخصية مثل تجربة زياد...

آنا أقول لو نحصل زد أوتو ستوك( رفيج إخوي عنده زد أوتو بس مو ستوك فلتر وكزوز سستم وكم شغلة زيادة) ولومينا ستوك أوتو هني نعرف النتيجة...

كفاية إن الزد القير عادي مسكت معه لومينا أوتو شايل الدبات بس....

تخيل اللومينا تنزل قير عادي

والقصد مو هني في ناس قالوا الألتيما بتنهي اللومينا لكن الزد ويالله يالله

اول جمله مافهمتها:rolleyes:

وفعلا النتيجه الصح مانحصلها الا بالواقع .. لكن انا الحين اقول سياره 6 سلندر او وسياره 8 سلندر وبنفس الوزن وفرق كبير في عدد الأحصنه وكانوا الأثنين اوتو وتمت التجربه وكانو جنب بعض او حتى لو قدمت الومينا شوي هذا بحد ذاته يعتبر انجاز للزد;)

وللحين محد جرب الألتيما عشان نحكم عليها:think: يمكن صج يطلع كلامهم

=====
والقصد مو هني في ناس قالوا الألتيما بتنهي اللومينا لكن الزد ويالله يالله
=====
هذا بحد ذاته انجاز..يعني في جملتك هذي تعترف بأن عزم الزد اقوى من الومينا :eek:

شباب لا تخلوني أخش.

تراني بأحشركم حشر.

قد أعذر من أنذر. :anger:

للاسف انك ما تقدر تحط الفلم...ياخوك انا اصور من غير لا اقول يعني شغل خشاشي ..لانه اهو اكيد بيقولك لاتحط الفلم...

اخوي TOYOTA - OBAS الومينا مافيها عيب اهي سريعه لاكن عيبها القير الخايس....يعني الي عنده لومينا خل يرهملها قير عادي...اذا المكينه اهي مكينه كمارو يعني اكيد قير الكمارو يركب عليها..يعني لا تستغرب من ان قوتها مو راكبه على تسارعها::::هذا كل من القير::::و بالنسبه للاودي لحد يقولك 5 اهو اربع لاكن على المكينه يكتبون 5 لانه التيربو(التفاحه) معتبرينه سلندر و ايك ال6 و هذا من غير تيربو....اخوي ليش ما تعترف بالاودي..تدري ان من الصفر لي مسافه 600 متر نقدم على الهوندا s2000 يعني لي قمنه مع بوزويد من صفر يغسل ايده...اذا الكمارو ما يقدر...

تبون الصراحه انا كل ماشوف بوزويد كل متمصخر....و احس ان سبب انتشاره عندنه شكله الحلو..بوزويد من زمان حلو عكس السكايلن(لحد ايب سيره السكايلن تره مالنه خلق نجره خخخخ)


تحياتي للجميع