يمكن أول ما تقرأ العنوان تفكر في الأحـلام الوردية الحلوة.. بس الموضوع مب كذا..

لما كنت صغير كان عندي حلم.. وكان يتكرر معي كثير.. وللحين مب عرف شتفسيره..

كنت أشوف نفسي على حافة درج (سلم) في بيت.. أحيانا يكون بيتنا وأحيانا يكون مكان ثاني
وأحاول أنزل.. لكني أخاف.. أنبطح على الأرض وأتمسك فيها.. لأني خايف لأنزل وأطيح..
مع كذا.. أشوف ناس أعرفهم (وفي الغالب أحبهم) ينزلون قدامي بكل بساطة.. بس أنا مب قادر أسوي مثلهم..
أخاف وأرجف.. بعدين أقرر أني أقفز من الدرج.. وفعلا.. أرجع ورا كم خطوة.. وأجي ركض وأقفز الدرج كله..
إذا وصلت النهاية .. وحسيت أني باطيح واتعور .. أصحى من النوم وأنا متضايق..

كان هالحلم يتكرر معي دايم.. بس بعدين قمت أشوفه.. لكن مع كذا دايم أذكره ودايم في بالي..

يمكن كل واحد منا كان عنده لما كان صغير حلم من هالنوع..

شرايكم؟