السلام عليكم ورحمة الله وبركاته

اكيد أنتو تقولون اني قاعد أمزح بس فكرو في كلامي وتعرفون أني صادق
شوفو ا أولا المكسما أسرع سياره في العالم
أكيد تقولون أني مهلوس صح ماهو مهم
الحين أقولكم كيف
الوالا المكسيما أسرع سياره بقيمة 35الف أقصد مكسيما 99
وثانيا اسرع سياره بــ 3 ليتر بدون تيربو
وأسرع سياره مقتصده في أستهلاك البنزين

بتقولون الكامري صح
المكسيما أقل نوع تطرح الكامري وهي مرتاحه أصلا المكسيما فل أو ماهي فل مكينه وحده

والي يقدر يجيبلي سياره أسرع من المكسيما بسعر 35الف ريال سعودي و تكون 3 لتر مو أكثر وأستهلا ك بنزين بسيط ترا كل ما كان اليترات أقل كل ما قلت الصرفيه

أقولكم لا تحاولون المكسيما أفضل سياره من عام 1996 الى الأن

والله أنا حاولت أجيب سياره بمواصفات المكسيما ما قدرت
يمكن انتو تقدرون
وزي ما أنتو عارفين أحنا شباب وطلعاتنا كثيره ويبغالنا سياره مقتصده في أستهلاك البنزين وبعدين تجي تقول للشايب أبي كابرس 2000 ولا لومينا ولا مكسيما 2000 ومافوق يقولك أذا خلصت الجامعه
وأحنا نبي سياره تستحمل الطيش حقنا ونبي ندعس وفي نفس الوقت نبي سياره تقتصد
يا هل ترى عندكم سياره غير المكسيما
سعرها مناسب وقوتها مايحتاج وصرفيه مو كثيره وش أحسن من كذا

وبعدين المكسيما أسرع من الموستق جي تي

والي عنده كلام ولا معارضه يكتب



وبعدين أنا كنت من الأعداء للمكسيما : لأن الي مايعرفك ما يثمنك

اصلا السرعة ماهي حكم على حسن السيارة في اشياء ثانيه
منها تحكم على ان اليسارة حلوه ولا لا




فيه سيارة أقل موديل من المكسما واسرعه في الخط وفي القومه ما فيه فرق بس عشان السيارهة وزنها ثقيل ودفع خلفي
السيارة 3 لترات اقل موديل 93 سعره رخيص يبدا من ال25 الف
الى 40 الف بس هذى تطرح المكسما في الخط وأثبت من المكسما في الخط وتمشي طبلونها ونت مرتاح وبوديها قوي وتكرف ما تقول شي
وغير ها من الموصفات

السياروة هي لكزس GS300

MAXIMA 99

انا معاي كامري مستعد اطلع معاك والشباب شاهدين ونشوف مين يطلع في القومة او دحدرة الين سرعة 255
ها وش قلت

بصراحة الاكورد اصرف...من الماكس

MAXIMA 99
المكسيما أكثر سيارة فيها خرابات بالمكينة !!!
هذا مو كلامي واحد من أعز أخوياي يشتغل بقسم الصيانة في الجبر..
يقول لك أكثر من 100 سيارة في فرع الدمام ( موديل 2002 ) بس تم تغيير رأس مكينة لها
بسبب ارتفاع الحرارة الدائم !!!

بعدين روح وكالة الجبر اللي بالدمام ،، شف عندهم مكسيما 2003 تجربة
حرارتها مش ثابتة !!!!

الهوندا أكورد V6 أحسن و أجود و أرسى من المكسيما بمليوووون مرة ...


بعدين على فكرة ،، ترى السيارات حظوووووووظ
يعني اذا زبطت معك ،، بمكن ماتزبط مع غيرك

شرخشين !!!
ليه هي السيارات شختك بختك؟
لمن اشتري بي ام او مرسيدس اتوقع انها تكون خايصة مثل مااشتري لومينا ولا كابريس واخاف من شكك مشاكلها؟
غرييييييييييييييييييييييب:rolleyes:

اقول حبيبي beast2001 الظاهر نسيت المكسيما 97 الخضراء وش سوت فيك يا عمي فضى السيارة وقعد ينغم وعطاك لمبتين

ولا تحاولوا المكسيما احسن سيارة في فئتها ولا تقولوا كامري واكورد

يكفينا فخرا ان محرك المكسيما واحد من افضل 10 محركات في العالم الى جانب الBMW الومرسيدس وين الكامري والاكورد من هالمنافسة هذي؟؟؟:p :p

اوكي شباب وفي الناهية هذا كله حديد خله يولي

boss17z

الماكس الخضراء كلام والماكسيمات الثانية كلام ثاني والشباب كلهم عارفين الكلام هذا وبعدين اذا تبغ تتاكد جيب اي مكسيما ثانية وخله يجرب معاي وراح تشوف النتيجة
وعلى فكرة ترى سيارتي ذاك الوقت كلام والان كلام ثاني

المكسيما احلى شكل او افخم من الكامري ول اوكورد حتى الي ما يشوف اعمى يعرف انه المكسيما احلى بل شكل

ول مكسيمه ماتقارن بل كامري المكسيما اسرع من الكامري او هذا شي معروف
الشباب هنيه يتوهمون واجد

شباب أيش رايكم الخميس هذا ؟

وعلى الميدان يا حميدان;)

وفي نفس الليلة (الفضايح) تنحط هنا في المنتدى........


أيش قلتوا؟؟؟؟

S8
مين جاب الالماني في وسط السالفة ؟؟؟؟
بس جاوبني على هالسؤال !!!!
نتكلم عن 35 ألف تقول لي بي ام والا مرسدس !!!

بعدين اذا انت تتكلم عن اللومينا والكابرس وحراباتهم ،،
انا سيارتي موديلها 2001 وماشية 70000 ولا حطيت فيها ولا ريال تصليح ولله الحمد...
كل الفلوس اللي دفعتها كانت للتظبيط فقطططططططط

و الكابرس ،، هذا واحد من الشباب معه كابرس اس اس موديل 2000
وماشي 100 الف ولله الحمد ما حط فيها ولا ريال الى الحين !!!


يالله ورني الخرابات اللي في الكابرس واللومينا !!!!
ما قلت لك انها حظوظ

تقول لي جير بوكس والا غيره ،، وسسسسسسسسسسسسسسع صدرك

السلام عليكم


اولا المحرك مب كل شي في السياره
الاكورد.....الكامري.....وووووو يعني تصرف اكثر من المكسيما لا بالعكس وخصوصا الهوندا


سمعة المكسيما زفت عند الناس زي الانفينتي بالضبط(كلهم شركه وحده)


اللي يقولون اسرع يعني انت في كل شارع بتجيب 260كلم في الساعه


رد مقتبس
.................................................................................................... ...........
المكسيما أكثر سيارة فيها خرابات بالمكينة !!!
هذا مو كلامي واحد من أعز أخوياي يشتغل بقسم الصيانة في الجبر..
يقول لك أكثر من 100 سيارة في فرع الدمام ( موديل 2002 ) بس تم تغيير رأس مكينة لها
بسبب ارتفاع الحرارة الدائم !!!

بعدين روح وكالة الجبر اللي بالدمام ،، شف عندهم مكسيما 2003 تجربة
حرارتها مش ثابتة !!!!

الهوندا أكورد V6 أحسن و أجود و أرسى من المكسيما بمليوووون مرة ...

............................................................................................
رح لوكيل الهوندا وش تلقى كذا ولا لا



بعدين كل واحد وذوقه
يمكن واحد شاري ماكس عشان شعار النيسان بس

اسف على الاطاله وتراها كلها حديد

فيه ميزة نسيت تذكرها اخوي MAXIMA 99
اسرع واكثر سيارة تقتل في العالم والدليل حادث ارامكو حق العضيلية
الله يرحم الشباب اللي ماتوا في هذاك الحادث
وتتوقع انت ليش الماكسيما اسرع واكثر سيارة تقتل .. لان وزنها خفيف ولان البودي حقها قرطاس واي دقشة شف وش يصير للبودي
وعلى العموم فيه الاكورد الجديدة V6 بدون توربو 240 حصان و 3.0 ليتر
والقير خمس تغييرات اوتو
هل هذي موجودة في الماكسيما؟؟

كلام الاخM.A.M صحيح جدا
بعدين مافيه واحد معه ماكسيما ولايسرع بس احساس ان معه فيراري

ترا كله جناح بس
الايكو تقدر تحط عليها جناح


اتمنى محد يزعل وشكرا

MAXIMA 99
محرك الماكسيما VQ30 واحد من افضل عشر محركات في العالم سبع سنوات متتالية و لا سيارة اخذت هالجائزة بهالمدة غير احد محركات البي ام دبليو اخذها خمس سنوات و طلع . اعتقد تكفيك هالمعلومة



شرخشين2000
زي مالك معارف في الجبر لنا معارف بس اللي يقولونه ان المشكلة اللي في الماكسيما كانت في المنظم الكهربائي و كانت تتغير بسرعة في لحظات لانه جات القطع حقه من اليابان و تم تبديلها

اما حق التجربة محد جربها كثري لان اللي كان مسئول عن التجارب زميل من ايام الدراسة و هي لونها عشبي بالامارة و رقمها 372 اخر مرة جربتها نا قبل سنه بس لمعلوميتك ما عندهم ماكسما تجارب موديل 2003 و هذا تصحيح لمعلوماتك فكيف تكون حرارتها مرتفعه و هي اصلا مالها وجود ;)


S8
حلوه حق شختك بختك


boss17z
الكامري لها الشرف انها سيارة الليموزينات رقم واحد تبغاها تنافس الماكسي سيدة الطرقات


فاهم
ازيدك من الشعر بيت واحد من الشباب كان عنده بلوبيرد اربع سلندر اقل من الماكسيما عدم ثنتين كامري و قعد يغني عليهم على خط قرية الخيلج في الهافمون فما بالك يوم تجي العروس ايش بتسوي الكامري

والله في رأيي الكامري والمكس والأكورد
و ماننسى الجالانت والباسات والبيجو 406 وغييررها الكثير

باستثناء اللومينا


كلها سيارات رهيبه لكن في بعض الأشياء تشوف سياره متفوقه
في شيء على الأخرى

infiniti
موجووووووووووووووووودة حبيب ألبي

اتحداك

و المسئول عن التجارب في شركة الجبر واحد من الشباب اسمه رائد الرجعان و توني مكلمه على جواله و قال لي مافي سيارة تجارب 2003 ماكسيما و اللي موجوده 2000 اللي لونها عشبي

و هذا تلفونهم في الجبر 8324300 و تحويلته 134 دق عليه او اي واحد من الشباب يدق عليه عشان يتاكد بس اذا طلع كلامي صح ايش بتسوي

السلام عليكم

ان أبصراحة متوقعت ان المكسيما أتكون قويه بهذا الشكل أن كانت عندى مكسيما بس كانت موديل 92 هذا الكلام من قبل 6 سنوات تقريبا وان أريد اقول ان المكسيما سيارة بمعن الكلمة ان الحين معندي مكسيما بس تطارحة مع المكس مره أبصراحة قويه حيل مسكيت معي الين 245 ان أستغربت للعلم أن عندي مرسيدس S500 96 المكسيما مين السيارات القوية والمريحة .

يااخوان

فيه شي مهم ماذكرتوه

وهي الاسعار ...

اتوقع ان سعر السياره مهم جدا في الاختيار
--------------------------------------------------------------------------------------

الماكس 2003 تورينغ سته سلندر
اوتو--جنوووط-- ريموت كنترول
بـــــــ64 الف

الكامري 2003 اربعه سلندر
اوتو
بـــــ68 الف

شفتوا الفرق الرهيب بالسعر الكامري اغلى باربعه الاف وبمكينه اربعه سلندر

اللومينا 2002 سته سلندر
اوتو-- جنوط-- ريموت كنترول
بــــ 59 الف

ولو سمحتوا احد يجيب لنا اسعار الاكورد او السيارات المنافسه

-----------------------------------------------------------------------------------

موكا موكا

على الرغم من أن سعر الماكسيما منافس إلا أن الناس تريد كامري.

ليش؟

سمعة تويوتا وعدم توفر محرك 4 سليندر في الماكسيما "في فئة من الناس عندهم أستهلاك البنزين أهم من الأداء".

نرجع للموضوع الأصلي "بما أن الحرش ما نفع والخميس هذا أنا فاضي;) "........


أولاً: الماكسيما ما هي أسرع سيارة في العالم "وحتى في فئتها" فهنالك سيارات أسرع منها وبنفس الحجم "حتى أنه في سيارات 4 سليندر أسرع منها"......

ثانياً: أسرع سيارة بـ3لتر؟؟ فين راحت الـBMW 330؟؟؟


أما حكاية سعر الماكسيما فهذا عيب من عيوب السيارة !

لأنها تفقد قيمتها بعد الأستخدام فهذا سبب إضافي يخلي الناس تبتعد عنها.

نروح لموضوع أفضل المحركات في العالم:

كون محرك السيارة حصل على جائزة أفضل محرك لعدة أعوام متتالية لا يعني أن السيارة هي الافضل ، فهل السيارة مجرد محرك فقط لاغير؟؟؟؟؟

يعني أنت تشتري السيارة فقط لمحركها؟؟؟


محرك اللومينا SS حصل على جائزة أفضل محرك لعام 98 و 99 وهي أسرع من الماكسيما (بس عيبها أستهلاك البنزين إذا كان حكمنا على السيارة هو المحرك فقط) فهل نعتبرها أفضل سيارة في السوق؟؟؟

سؤال هل حصلت الماكسيما (كسيارة) على جائزة أفضل مركبة في سنة من السنوات؟؟


أنا أدعوك لزيارة موقع Car and Drviver لتعرف ما هي السيارات التي حصلت على لقبة أفضل السيارات في العام


لكي تعرف أن السيارة ليست عبارة عن محرك فقط.


وللعالم 2002 أنظر ماهي السيارات الحاصلة على اللقب هنا


بالمناسبة أنا مش ضد الماكسيما لكن مش معاها.......

----------------------------------------



شباب إذا في تحدي وأكشن لازم تراسلوني هنا

مو انت قلتها؟((حظووووووظ))

الأخ الكريم العزيز الغالي الماكسيماوي ،، صاحب الموضوع

بما انك انسان واعي ومتابع للسيارات وعندك كم لا بأس به من المعلومات ..

المطلوب منك تعمل مقارنة بين وزن الماكسيما الفل أوبشن أبو 100 ألف ( عشانها أثقل شيء ;) ) ..
وبين BMW 530 i أو BMW 330 i وكلهم قير أوتو ... ( ما يجي عندنا قير عايدي والا كان شخمطنا على الماكسيما :( )

حلو ؟؟

وبعد ما تعمل المقارنة .... جيب أسرع ماكسيما في الكون بـ 3 ليتر ( ستوك ) ،،، والميدان يا حميدان

لا حظ ،،
الماكسيما V6 3.0 قير عايدي و سحب أمامي و أخف في الوزن ..
والبي ام I6 3.0 قير أوتو ودفع خلفي و أثقل في الوزن ..


ونطلع الخط ... وبسم الله

يمكن الماكسيما تطلع في القومة بس الين 80 بس .. ( بحكم الدفع والوزن والقير )
لكن بعد كذا تجيك العواميد .. وعليك العد ;)



تحياتي لجميع

سعر الاكورد الجديده في معرض السيارات من 55000----85000
على كلام الموضفين
المكينه 3.0ليتر 240حصان للسته سلندر