لاتعليق على الصور

يعني الامان معدوم بها السياره لانه مو معقول يصير فيها اللي صار والحداث خفيف الى حد ما والصدمه واصله لمقعدة الراكب الثاني واكثر يعني لو في ركاب جهة اليمين اكيد ماتوا والسواق لو مامات اكيد حيكون في العناية المركزه

على العموم الله يشفيه اذا هو سليم والله يرحمه اذا مات ؟!!

ولاكن فعلا يجب الحذر من هاذي السياره

((( على فكره الصور هاذي انا مصورها واي واحد يبي ينقلها يكتب المصدر )))

سلام

طبعا زي ما قلت .. كما هوا الحال في أئمن سيارات في العالم ..

وانما ما اعتقد انو الكابرس ممكن يكون سيء في الامان على قد ما هو البي ام دبليو سيء ايضا ..


ولاكن .. نعيش ونبقى ونقول .... تهور .. ومسؤولية نتيجته يتحملها الشخص .. وليس السيارة













وهذي صورة ام 5 جديد



هذاااا هوا الامان بام عينه






تصورو انها سيارة مخصصة للتماسك وللسباقات ...



الله ارحمه راعي البي ام



تدرون ان هذي بي ام 325




حتى ال ام 5 المفروض انك بتحط قرابة النص مليون في سيارة .. من المفترض انو فراملها تكون جيدة



يالله حتى ال اكس 5 .. ما سلم من حوادث الوفاة




الالماني سيارات الامان



المشكلة انها ام 3 يعني تماسك عالي جدا



============

للاسف ... حتى البورش استاذ التماسك .. اتوفى ومات صاحبه



كنت متوقع ال ام 3 الجديد يكون نوعا ما موثوق فيه


=============

يا خسارة .. ديابلو .. سيارة التصميم والاداء والرساوة



===========
واااااو .. سكايلاين دفع رباعي .. قمة الرساوة والامان والتعليق الجبار .. ولاكن .. الله ارحمه



========
لا تعليق



========
البورش ... عظمة الالمان وقمة الرساوة



========
اعتقد الجميع يعرف هذي السيارة
ولاكن الأمان ...



==========
تصدق انو الديابلو الجديدة .. امانها عالي جدا



==========
بسيطة يا بورش بسيطة .. ما حصل الا خير


===========




اعتقد ... الهدف اللي ابغ اقللكم هوا وصل من خلال الصور .. مو لازم اشرح ..

وسلامتكم ..

وخلو بالكم من نفسك والسرعة باستهتار ماهي نعمة وانما موت محقق والله لو راكب مدرعة

انا معاك انو اي سياره اكيد بتنعدم من حادث لاكن الاحظ كل الصور اللي موجوده وانعدمت مقصورة الركاب هي حوادث انقلاب او واحد ماشي 260 ومايبغى يصير له شي واكيد حتى لو همر بتوصل الصدمه للمقصوره والكابرس هاذي ماانقلب ولاكنه ضرب في شجره وهو ماشي 120 يعني معقول يصير كل ذا ؟؟!!

على العموم الصور اللي جبتها هي فقط تشوه في السياره وهاذا مو مهم لاكن لاحظ مقصورة الركاب كيف فاي صوره انت جبتها غير حوادث الانقلاب ؟؟!!

وسؤال ابغاك تجاوب عليه بصراحه ؟؟

الامان الموجود في سيارات فورد ونيسان وحتى الكابرس القديم يتقارن بالكابرس الجديد واللومينا ؟؟

ومشكور على الرد

===============

معاك حق .. الكابرس الجديد والومينا الجديدة الرساوة فيها سيئة للغاية ..
انت عارف ليش .. لانها سيارة اوربية وحطو عليها مكينة امريكية ..

بس ترا على فكرة .. سرعة 120 وخبط في شجرة هذا معناه الشجرة وضعت لايقاف الكابرس .. وهذا بحد ذاته مئثر مهما كانت السيارة نوعها ..

في لقطة شفتها زمان حقة واحد عنده كامري .. وكان بيفحط ودخل في عامود على سرعته .. وهيا ما اتجاوزت ال 60 كيلو متر فعلية .. ورغم كدة اللي جنبه واعتقد اسمه بدر مات .. ولو تشوف السايرة اصبحت مثل حرف ال U

طيب هل انت تقارن سيارة على سرعة 120 وسيارة على سرعة 60 كلهاما اصبح U
ايهما فيه امان اكثر ..
ما بالك لو الكامري خشت في العامود لا قدر الله بررة وبعيد على سرعة 120 انا اعتقد انها راح تسير W

انشالله اكون وصلت فكرتي

معاك حق بكلامك عن الكامري لاكن الظاهر يقولون ناطلها على 180 يعني لها حق الكامري تروح فيها

ولاكن هل تقارن سياره بـ 53 الف بسياره بـ 90 الف ؟؟

هل تقارن سياره لها سمعه كبيره ومشهوره بسياره تو صار لها سمعه بسبب التفحيط فقط ؟؟

هل تتقارن الكابرس 96 بلكابرس الحاليه من اي ناحيه غير الشكل ؟؟

يعني بصراحه سياره فاشله في كل المقاييس الا الشكل الخارجي فقط

سلام

أحمد !!!
فاكر؟
يوم تحاججني ان اللومينا والكابريس رساوتها ممتازة؟ ولكن السبب هو قوة المحرك الهائله؟

والان انت تناقض كلامك وتقول انهم غير راسيات؟
وللغايه كمان؟

STS
ممكن تقول لي كيف يمشي 120 وصادم في شجرة ؟؟؟؟؟؟؟؟
أنا جلست من الساعة 4 العصر الى تاريخ وضع الرد أفكر !!! لكن ما توصّلت لنتيجة !!!

مقدمة السيارة ماجاها شي !!! الشجرة جاية من جهة اليمين !!!

يعني هل السيارة كانت تمشي بالمنكوس ؟؟؟؟

طيب هذا كيف صدم في الشجرة ؟؟؟

شكله كان يفحط ...

الكابريس الجديده ما فيها شيء من الأمريكي غير الأسم والمكينه(أظن)
على الأقل بقت الجنوط عدله ... :(

شرخشين2000

ماادري الظاهر انه مرفع ام الشغله او يبي يفحط بس المكان اللي صدم فيه مكان عام يعني مايمديه يفحط فانا والله ماادري وشلون لاكن المهم يقولون انه ماشي 120 وبس
هههههههههههههه بس حلوه تمشي بالمنكوس ههههههه

silver
والله ماادري لاكن جيت وشفت السياره وانصدمت صراحه بالمنظر اللي شفته وقلت اصوره لكم

ومشكورين على الردود وسلالالالام

======

ياخي الكريم انا لما قلت انها راسية .. ما رحت افحط بيها والا اخمس بيها والا اجدع واقلب السيارة والا اخش في عامود واجي اجري اقللك انها والله ماهي راسية وزبالة ومدري ايش .. واقعد احش فيها وانزل غضبي عليها

انا قلت السيارة مناوراتها في السرعات العالية سيئة .. لانها في الاول والاخر فهي كابرس ماهي بورش ولاكن في حدود السرعة المعقولة اللي بيمشي بيها اي انسان عاقل بالغ فاهم ايش قاعد اسوي فهي راسية ..


ياخي مو حصلت حوادث كتير لسيارات المانية في جدة ليش ما كتبو عليها الشباب وليش ما اتكلمو ... وقالو انها رساوتها تعبانة .. عارف ليش ؟؟

لانو خلاص اصبح في اعتقاد الشباب انو الالماني راسي ولا يعلى عليه .. ومهما حاولت تقنعه برضو ما يصدق .. خلاص اللي مقتنع بيه لا يمكن اغيره ..

والفكرة هادي غلط .. اي سيارة ممكن تستحمل معاك الى حد معين .. وعلى حسب امكانيات السيارة تعطيك ..

يعني ما اجي اشتري بي ام 750 واقول خلاص بخش الملف على سرعة 260 واقول المفروض انها تكون راسية ....

صحيح كلامي والا لا

====
اول شي انت قارنت بمجرد انك سمعت .. يعني منت متاكد من صحة الموضوع .. اتاكد وبعدين تعال قول ماشي 120 ..

الفيديو حق الكامري عندي في جهازي .. ومبين على السيارة انها ماشية اقل من 120 .. انا قلت في حدود ال 60 كيلو ما تتجتوزها .. ورغم كدة .. قلت لااا الكامري ماشية 180.. حبيبي انت عارف على 180 يمكن تلاقي الكامري اصبحت رماد

====
وبعدين انا ما اقارن .. لانو اول شي الكابرس الجديد اول انتاج له عام 2000 بينما الكامري من اوائل التسعينات

بالنسبة للكابرس ال 96 فانا مجربه وما عليه كلام ..

لاكن سيبك من الكلام دا كله .... الكابرس الجديد كسيارة عائلية تروح وتجي بيها مع اهلك .. فهي ممتازة .. اما انك تاخدها وتروح تفحط بيها وتبغ تسابق بيها وتبغ تمشي بيها كانك راكب كورفت فهي اكيد حتكون سيئة جدا

أول شي لازم تعرف إن الحوادث من السرعة الزايدة وعدم أو قلة الخبرة عند السائق آنا الصراحة مع KING SS في كل كلمه تقولها

لو الحادث صاير باي سيارة

تقريبا راح يسير فيها مثل ما صار للكابريس

بس اهو اذا الواحد صمم شي براسه مايغيره لو يسير الي يسير

انا رأي أن الكابريس سيء من ناحية الرساوة بعد 140 تقريبا انا ماجربت بس كم واحد مجربينها يقولو ltz 2001 2002 قوي بس تحس انه خفيف و يلعب على السرعات العالية بس السيارات الأخرة لو قدناها على نفس السرعة مع الكابريس حيكون في فرق بس هذا لا يعني اني اسرع حتى 260 و اخش ملف و انا اعتقد انها حتكون ثابتة ولا حتى على 140 لأني سأكون مجنون أو في عداد الموتى لاسمح الله

STS4ever

أحترم رأيك بقوة أخي الكريم

وحقيقة لأن معظم الشباب في هذا المنتدى متعاطفين بشدة مع الأمريكي والياباني .

لذلك من الصعب إقناعهم بأنها سيارات في الغالب في غاية السوء ..

وبالنسبة للومينا .. تخيل سيارة فيها محرك يجاري سيارات البورش البوكستر .. والأمان في غاية السوء . وإذا قلنا إن حوادثها كثيره جدا .

يرد علينا بعضهم ويقول . من السرعة .. ما نختلف على السرعة ..

بس بهالكثرة .. حطها في ملف وإدعس عليها وشوف وشلون تلعب ..

ونقولهم ياجماعة البورش يضع المسألة برمتها في توازن دقيق ..

يهني الألمان لا يمكن يصنعوا سيارة عالية السرعة قليلة الأمان ..

بالعقل صعبه عليهم يخلوا بورش بوكستر أقوى ... لا طبعا ..

بس الشغله كلها توازن بعكس الياباني والأمريكي الي يصدرون سيارات للخليج بالذات ما تجدها عندهم ..

وأقولها بوضوح .. GMC مثلا ..

هذا الصالون الي العوائل الخليجية ترغبه .. الي راح فيكم لأمريكا أو عنده خلفيه .
يجد إن هالسيارة غير الموجوده هناك ..

وشوفوا الي تجي في المعارض الحين بالعسودية ..1500

وتشوف الشاسيه نازل على الأرض ..

الياباني عشان قطع الغيار رخيص ومتوفر . يطلعونه السما ..

شوية منطق يا جماعة ..



الأخ King_SS ::

مع إحترامي لك . إلا إني أختلف معك بشده ..

الحين معظم السيارات الي في الصور . ما وصلت لكابينة الركاب ..وهذا هو المقصد .. الأمـــــــــــــــــــــــــــــــــــان في المقصورة ..

وبعدين يا أخي الكريم .. بالنسبة للبورش ..

يعني بالله عليك بتقولي إنه كان ماشي 100 كم
ولا كان بسرعة هالكابرس ..

وبالنسبة للصورة الي قلت عليها X5 هذا مهوب X5 أعتقد شيروكي ولست متأكد .. بس المهم مهوب X5

مع إحترامي لجميع الآراء ..

عبدالعزيز

أخوي STS4ever كلمه ورد غطاها

السياره من بعد 120 ك/س لا تتوقع انها راح تكون في أمان صدقني وانا صارلي مثل هذا الشيء :( كنت الان في خبر كان لكن لولا عطف ورحمة الله ماشفتني معاكم الان صراحه يعني وانا اقولها بكل صدق انا جاني الموت من اوسع ابوابه على سرعه أكثر من 120 ك/س وبعدين احب اقولك على شغله لا تعتقد ان الالماني خلاص هو سيد الامان لا أحيانا تخونك الذاكره ويطلع غير جيد


وبعدين لا تقارن الأمريكي بالياباني في التمسك والثبات على الطريق والتوازن وايضاً من ناحية البودي الامريكي اقوى وارسى من الياباني راح تقولي ليش انا راح اقولك شوف الكامري وشوف الماكسيما كلهم شرق ورق مافيهم قوه بالمره بينما الكابريس اثقل واقوى منهم في كل شيء وهذا شيء مفروغ منه بالمره ومايختلف عليه اثنان ولو نجي نتكلم الكل راح يقولنا انكم متعاطفون من الامريكي لا والله هذا الي اشوفه انا بعيني


أخوي King_SS كلام معقول مانختلف عليه روح الله يوفقك انشاء الله :banana:

الله يبعدنا عن شر الحوادث

حبيبي KING SS انا متاكد انه ماشي 120 ومتاكد كمان انه الرساوه فيها زفت لابعد درجه هيه واللومينا لاني مره اتطارحت انا ولومينا SS فاوالله العظيم انه خش اللفه على 180 وبصراحه تحس انه تروح شوي وترجع وتروح وترجع الى كمل الملف وانا وراه والله العظيم ماشاء الله تبارك الله اني خشيت عااادي لان الملف اصلا مايستاهل ان السياره ماتكون ثابته عليه وفي النهايه تبغوني اقتنع ان الكابرس واللومينا زيها زي اي سياره ثانيه ؟؟!!!

والكامري اعذرني وانا مااقصد تكذيبك لاكن باي حال من الاحوال معروف ان بدر عوض ماينطلها الا اقل شي 160 وهو كان قاصد حركة الموت بحركة هاذي فمعقوله حركة الموت على 60 ؟؟!!! صدقني لو يفحط على 60 ماحد حيطالعله ولا يعطيه الشهره اللي لقاها الحين



وهو طبعا اللي بيمشي فيها 60 اكيد حتمشيه الى مايقول بس اكتفيت وطبعا الحال مع الهايلكس حق دير او حتى كيا لاكن افرض مثلا انت واهلك مسافر وماشي خط فجاه لقيت لفه يعني لو سياره ثانيه تخش عليها 120 بالراحه وهاذي لا زحفت عليك ورحت على الرصيف وصار اللي صار هل هاذا الموقف اللي صار مع الكابرس بيصير مع سياره ثانيه ؟؟!!



طبعا كل شي باذن الله بس نتكلم بنطقيه شوي

وتاكد باني والله ماارد عليك تكذيب ولاكن تعقيب فقط على كلامك لنوضح الصوره تماااااااااااام

سلالالالالالالالالالام

Targa
انت برضه تتكلم عن التهشم اللي صار بالبودي وهاذا مو ممممهم ..
لاكن بعطيك مثال ..
شفت حادث البي ام 2002 او 2003 اللي انتشر في المنتديات ؟؟
مع التهشم ومع ان الحادث انقلاب الا انه فقط خرج بكسور يعني تخيل ان الحادث ذا في هاذا الكابرس ؟؟!!
والله العظيم يتقطع هو وسيارته

gs300_2003
والله انك صادق لاني شفتها بعيوني بالمطارحه اللي قلتها بردي اللي فوق

ZAZA
جزاك الله خير وبعضهم يفكر اني قاعد اهاجم هاذي السياره وانا لا والله مو قصدي كذا بس بصراحه هاذا الحادث نبهني لحاجات كثييير وهاذا اللي خلاني اكتب الموضوع

Mr.Zr-1

لاتعليق ...
شوف الصور اللي وضعها اخوي KING SS غير حوادث الانقلاب وبعدين تعال تكلم عن الكامري والماكسيما اللي اصلا مادخلتها بالمقارنه لانه زي ماقلت كيف تقارن سياره بـ 50 بسياره ادفع فيها 90- 100 الف ؟؟

بعدين انا ماتكلمت على كل السيارات الامريكيه انا استثنيت منها الكابرس واللومينا الجديده فخلونا في موضوعها ولا تطلعنا برا

F_Ashoor
اميييييييييييين ويبعد عنا الكابرس واللومينا

السلام عليكم

اولا الله يبعدكم شر الحوادث ان شاء الله :(

نفس الحادث صار يوم الاثنين الماضي في الشارقه :(

بس مع سياره مختلفه واعتقد انكم تعرفو نوع السياره

فما تعليق الاخ STS4ever على الموضوع

الصوره مع الخبر منقوله من جريدة الخليج ليوم الثلاثاء الماضي (العدد 8640 - 11 ذي القعده 1423هـ -14 يناير 2003 ) الصفحه العاشره .

(الحسنة تخص والسيئة تعم) لا تنطبق على هذا النقاش يعني الناس يقولون الأمريكي يعني الكديلاك فيها عيوب طيب الياباني اللكزس فيها عيوب بالعكس حصدت جوائز و برائة اختراع أو اكثر للأمان بس الكابريس واللومينا بارزة فيهذا الموضوع لأن الله بالعقل عرفناه كم 100 الف سيارة تنباع في الخليج من هذه السيارات حتى تحقق الربح السريع بس الكديلاك و الكزس والبي أم و المرسيدس و الأودي والجاكور و غيرها من السيارات الفاخرة تصنع القليل و المعقول حتى تحافظ على الجودة والأداء العالي قبل الأرباح السريعة يعني لومينا وكابريس قوتها تنافس الجميع ولكن جودة التصنيع من رأي لا ألف لا

السرعة تقطع الحديد و السيارات كلها حديد سواء كابريس أو غيره

اممممم
احمد ..كلامك غير مقنع ومتضاااااااد في كلامك الان تقول ان السيارة حق عائلة وليست للسباق!!!
اجل وش معني الاختصار الموجود على السيارة والمسمى بــSS!!!!

المواصفات المكنيكية للسيارة
محرك V8بسعه 5.7لتر وبقوة 325حصان مع جنوط 17 بوصة وشكل رياضي صمييييييييييييييم واداء قوي قد يصل الى سرعة 100كيلو في 5.7تقريباو يقارع به سيارات تفوقها غلاء في السعر

ومع ذلك هي ليست مخصصة للسباق؟


بخصوص الكابريس 96 انا كنت املك واحد وهو على العموم ليس بأفضل حال من الجديد في الرساوة

طيب انت قلت :
كيف تقارن سياره بـ 50 بسياره ادفع فيها 90- 100 الف ؟؟

نشوف الكابريس 90 ألف ريال يعني أغلى من الكامري بمرتين إلا ربع

طيب نشوف البي ام (اظن انه كان 740 أو 745 او حتى 760 ما اتذكر بالظبط) سعرها نقول 745 بـ 300ألف تقريباً يعني قد الكابريس بأكثر من ثلاث مرات

انت قارنت حادث كابريس بحادث بي ام إلي سعرها قد سعر الكابريس بـ 3 مراة وأكثر ... وفي نفس الوقت ما رضيت تقرن الكابريس بالكامري إلي الكابريس قدها بمرتين إلا ربع تقريباً ...

يعني وين العدل

السالفة وما فيها "تدفع أكثر تحصل على مميزات أكثر" وبسسسسسسسس لكن في الحادث ماراح تشفع لك ان سيارتك من الماركة الفلانية
ولازلت أقول
الكابريس الجديده ما فيها شيء من الأمريكي غير الأسم والمكينه(أظن)

أنا قاعد أرى ملامح حزازيات وتحديات غير منطقية...........



أنا أقول مستندا للمنطق والعلم........

أي مقارنة بين سيارتين من رساوة أو صلابة هيكل أو أمان إلخ .....
لابد أن تحكمها نفس الظروف......
يعني مو تجيب صورة بي إم مسوي حادث وهو مصفي الطبلون وتقارنها مع صورة كابريس مسوي حادث وهو ماشي 120 كلم /ساعة....وتقول كلهم خايسين........ ....
السيارة كيف صدمت؟؟ و على أي سرعة؟؟ وفي إيش؟؟
أسئلة تحكم أي حادث بالإضافة إلى.....
السائق....
السائق تصرفه كان رديء مسك فرامل متأخر......مثلا...
تصور إن 3 سائقين ماشين بسرعة 180
كل واحد فيهم شاف قدامه شاحنة متوقفة على مسافة 60 متر قام الرجال الأول سوى محترف وسحب فرامل يدوية.......
بينما الثاني دعس فرامل بكل قوة فقط.....
بينما الثالث حلرف مسار السيارة ثم دعس فرمل ......إلخ

أن أجزم لك أنه في كل حالة مما سبق سينتج حادث مختلف تماما...

الحكم على أي سيارة يكون عن طريق إختبارات مقننة تقوم بها مؤسسات عالمية معترف بها في هذا المجال..........

وبيني وبينك عمري ما سمعت عن إختبارات تصادم لسيارات هولدن اللي هي اللومينا و الكابرس اللي عندنا........
وصدقني لو عندهم نتائج تشرف كان أعلنوها وتفشخروا بيها......


وعلى العموم في النهاية صدقوني الحوادث تحت السرعة 120 كلم غالبا يمكن تفاديها بإذن الله ونادرا ما ينتج عنها وفيات..... لذلك الواحد يتذكر وهو يسوق إنه الروح واحدة والندم ما ينفع.....



أسلم عليكم حبايبي.....وأقول خلوا الجو :banana: :banana: :banana: فرح ......وبلاش شد أعصاب.... بعدين يتحول زعل لا سمح الله......


تحياتي و نقديري لكل الأعضاء.....

طيب طيب خلاص .. الامريكي قمة الزبالة والدراجة ارسى منه ..


مع السلامة

يا سيد هذا مهو أسلوب..... توّنا نقول حبايب و الشغلة ما تستاهل.....




للأسف رد زي كدا مو متوقع من واحد محترم زيك........


أرجو من المشرفين التعليق......