|
مبدع متميز جداً
|
|
المشاركات: 4,062
|
#1
|
أخواني أهل الامارات ...أني مسافر لكم ..فهل ترشدوني رعاكم الله
السلام عليكم ورحمه الله
نيتي ان شاء الله السفر ثالث العيد للامارات ...
ولكن انا غشيم في هذه الديار ..
فاريد منكم خدمة ..
ان تدلوني على الفنادق الجيدة النظيفة الرخيصة الثمن الفخمة المظهر والمخبر
الاماكن السياحة مثل المتنزهات والحدائق ..
الاسواق ..الشالهيات
ونحوها
وان تدلوني على المكان الامثل للسكن هل هو ابوظبي او دبي او عيمان او الشارجة ,,,الخ
مع الرجاء ان تكون هذه الاماكن مناسبة للعائلات ,,
ولكم جزيل الشكر ..:banana:
|
|
10-02-2003 , 07:20 PM
|
الرد مع إقتباس
|
|
مبدع فائق التميز
|
دوله الامارات العربيه المتحده \ دار الحي فيه الحلا ضاوي
|
المشاركات: 8,332
|
#2
|
النعمان
الفنادق .....عندك نادي الضباط , هيلتون , هيلودي ان في ابوظبي
و ماريوت , هيلتون , جميرا بيتش , برج العرب في دبي
انتركونتيناتل في العين
الاسواق ..... عندك مارينا مول , ابوظبي مول في ابوظبي
سيتي سنتر , برجمان , حمرعين , ميركاتو , الغرير , الواحة , وافي في دبي
الجيمي في العين
الحدائق .....عندك المشرف و الصفا في دبي (هذا احسن مكان )
اخوي اذا تبا مكااان للسكن انه يكون من حيث الفخامة و النظافة فما عليك الا انت تسير للدبي .....و حتى ابوظبي اتي في المرتبة الثانية
بعد دبي .......و اذا تبا الشاليهات عنك خورفكان في الشارقة و الفجيرة
و مبارك عيدك ...و ان شاء الله اتكون رحلة سعيدة و بالتوفيق
;)
|
|
10-02-2003 , 07:38 PM
|
الرد مع إقتباس
|
|
مبدع
|
|
المشاركات: 2,498
|
#3
|
ياهلا وغلا والله باخوي النعمان .. بتنور الإمارات بوجودكم ..وترحب فيكم وفي كل أهل السعودية...وبكل إخواناالعرب و المسلمين في كل مكان ..وإذا ماتشيلكم الأرض نشيلكم في عيونا ..... ...وياريت تشرفونا في مدينة العين ...دار الزين .....ترى فيها مناطق سياحية حلوة وايد ...وفيها فنادق وشاليهات ....وشقق مفروشة ......وخاصة شاليهات عين الفايضة روعة ......والمناطق السياحية وايدة فيها وفي أسواق وسناتر ....الخ .....ويكفيكم المناظر الجميلة الحلوة .....والناس الطيبة .... الجو الحلو ..الهادي ....
وياهلا ومرحبا فيكم ......
|
|
10-02-2003 , 07:45 PM
|
الرد مع إقتباس
|
|
مبدع
|
جزيرة العرب
|
المشاركات: 2,821
|
#4
|
النعمان ...
حياك الله... إذا لقيت فرصة ياليت أقابلك أنا موجود في دبي إلى يوم الجمعة...
واعتقد أن السكن في الشارقة جداً ممتاز ، أنا ساكن في دبي ومتورط ، خبرك ما تصلح لنا بعض الأمور
الأخ الفاضل ain4ever
تبي النعمان يسكن في برج العرب ؟؟ ش ناوي تبيه يرجع السعودية مشي
المجاهد عمر ---دبي
|
|
10-02-2003 , 08:35 PM
|
الرد مع إقتباس
|
|
مبدع متميز جداً
|
|
المشاركات: 4,062
|
#5
|
جزاكم الله خير ..
شاكر لكم تفاعلكم
ain4ever
ماقصرت اخوي عساك سالم ..
بس ودي اعرف مكانها بالضبط لانب مااعرف في ديرتكم شيء
الاسم مايكفيني ..
اعذرني اخوي باثقل عليك
|
|
11-02-2003 , 02:56 AM
|
الرد مع إقتباس
|
|
مبدع متميز جداً
|
|
المشاركات: 4,062
|
#6
|
الاخت الفاضلة كهرمانة العين
جزاك الله خير ..
وهل تخفى العين دار الزين
ان شاء الله تكون من الجدول ..
وتسلمون على كرمك اخلاقكم وحسن استقبالكم ..
ياليت بس تتكرمين تذكرين لي التفاضيل شوي ..
استحملي اخوك تراه متورط
|
|
11-02-2003 , 02:58 AM
|
الرد مع إقتباس
|
|
مبدع
|
|
المشاركات: 2,498
|
#7
|
تآمر أخوي النعمان .....بالنسبة للعين عندك فيها ثلاثة فنادق .. الإنتركنتننتال... وهلتون العين .. وروتانا .......وإن بغيت الشاليهات ...في شقق في منتجع عين الفايضة حلوة ومرتبه ....ومنها منطقة سياحية ...وعندك جبل حفيت وهذا بعد قريب من عين الفايضة ... ومنه تقدر تشوف العين كلها خاصة في الليل منظر واايد حلو ....وعندك حديقة حيوان العين ..وهذه بعد قريبة من عين الفايضة .. تقريبا كلهم على طريق واحد ...وبعد في متحف العين .. وهذا موجود في في داخل العين ...ومن مراكز التسوق ... عندك مركز الجيمي .....طبعا يشمل عدة سناتر ...منها السفير .. والصفا .. وكارفور وهذا أكبر واحد فيهن وفي كل شي .....وكلهن في نفس الطريق .. ..وعندك الفلاح بلازا في شارع خليفة .. بعد سنتر كبير في كل شي .. وفي نفس الطريق الستي بلازا ..بعد سنتر في أشياء حلوة ورخيص ...وفي ستي سنتر العين ..وهذا في منطقة الصاروج الجديدة في العين بجانب محطة البترول ......بعد في أشياء حلوة ..وأسعارة زينة ...غير طبعا الجمعيات التعاونية ..جمعية العين التعاونية بفروعها .....وعندك في شارع خليفة واااايد محلات من كل شي فيهن .. عطور ملابس نعول ...مطاعم ..مكتبات ... كل شي ...وعندك بعد شارع الصاروج فيه واايد محلات متنوعة فيها من كل شي خاصة الأشياء النسائية .....ملابس ..أقمشة ...الخ .. .....النعمان الفنادق ..الإنتر والهلتون بعد موجودات في شارع الصاروج .....بس تعرف ....إنت يوم توصل المدينة وقف أي سيارة من سيارات الأجرة وخبره بالمكان الي تبيه ..بيوديك له ...الي يسأل ما يتوه ....وإذا احتجت أي مساعدة خبرني أخوي أنا في الخدمة بالي الله يقدرني عليه ...
نسيت أهم مركز للتسوق في العين .......عندنا أهم مركز هو العين مول وهذا سنتر كبييييير أكبر سنتر في العين هو وكارفور ...بس المحلات الي في العين مول وايد راقية .. بس أسعاره غالية شوي ..بس في واايد أشياء حلوة لو دخلته يغنيك عن باقي المحلات ..لأنه فيه كل شي متوفر ..وهذا موجود قرب دوار المربعة ..
على فكرة العين مدينة هادية جدا مو مثل مدن الدولة الثانية فيهن صخب وحركة وايد ...يعني الي يحب الهدوء وبعيد عن الزحمة العين بتناسبة واايد ..وبيرتاح فيها ...
أخوي النعمان إذا احتجت لأي شي ثاني راسلني على بريد سوالف الشعر والأدب ..ونا في الخدمة ...
مع تحياتي
|
|
11-02-2003 , 03:31 AM
|
الرد مع إقتباس
|
|
مبدع متميز جداً
|
|
المشاركات: 4,062
|
#8
|
جزاك الله خير اختي كهرمانة العين ..
ممكن تفيديني عن دبي والشارقة اذا كان عندك خبر
جزاك الله خير
|
|
11-02-2003 , 03:53 AM
|
الرد مع إقتباس
|
|
مبدع متميز جداً
|
|
المشاركات: 4,062
|
#9
|
المجاهد عمر
هلا اخوي ..
ياليت نقابلك
بالنسبة لدبي والشارقة كيف الاسعار والشقق والفنادق ..
اتمنى ترسلي معلومات ..
برج العرب ..........!!
انتا بتهزر
|
|
11-02-2003 , 03:55 AM
|
الرد مع إقتباس
|
|
عضو فائق النشاط
|
|
المشاركات: 833
|
#10
|
النعمان
السلام عليكم و رحمه الله و بركاته
انا من رايي انك تشوف فندق تاج بالاس (Taj Palace) من افخم فنادق دبي (5 نجوم) ما فيه خمور و لا خنزير و موقعه ممتاز قريب من شارع الرقه يعني في قلب دبي
Tel: + 971 4 2232222
و عندك بعد فندق و مركز البستان (انتبه هذا غير فندق البستان روتانا)
هذا الفندق من افضل الفنادق بالنسبه للعائله فهو متصل بمركز تسوق و يطلع ارخص من فندق تاج بالاس ميزه هذا الفندق انه تقريبا بين دبي و الشارقه
Tel: + 971 4 2630000
|
|
11-02-2003 , 04:54 AM
|
الرد مع إقتباس
|
|
مبدع
|
|
المشاركات: 2,068
|
#11
|
وعليكم السلام والرحمه
شيخي النعمان
الله يسامحك تزور الإمارات وماتخبرني لكن المسؤول أكيد البراء.
علي العموم ياليت تاخذ تلفوني من البراء وتتصلي وتريح راسك وتزور الإمارات ونته مرتاح. ونشالله رايح أرتبلك كل شيء
وأنا في إنتظارك
حرف
|
|
11-02-2003 , 04:36 PM
|
الرد مع إقتباس
|
|
مبدع متميز جداً
|
|
المشاركات: 4,062
|
#12
|
corvette 40th
جزاك الله خير اخوي ..
شاكر لك تفاعلك ..
|
|
11-02-2003 , 06:32 PM
|
الرد مع إقتباس
|
|
مبدع
|
جزيرة العرب
|
المشاركات: 2,821
|
#13
|
النعمااااااااااااان ...........!!
بالنسبة للشارقة ما عندي معلومات ، أما دبي فأسعارها تتراوح...على حسب المكان ونظافته وعلى حسب المنطقة ، أنا لولا الضرورة ما سكنت في دبي ، بسبب بعض الأمور التي لا تخفى على جاهل . نصيحتي لك إذا كنت مسافر مع الأهل اسكن في الشارقة ، حسب ما سمعت الأسعار جداً مناسبة ، وما فيها المسخرة اللي في دبي ، والمسافة بينها وبين دبي قريبة جداً ، تقدر تنزل لدبي للتسوق وما شابه ذلك
المجاهد عمر --دبي
|
|
11-02-2003 , 07:16 PM
|
الرد مع إقتباس
|
|
مبدع متميز جداً
|
|
المشاركات: 4,062
|
#14
|
حرف
جزاك الله خير اخوي الكريم ..
وانا اتشرف بلقاء امثالك ..
ارسلت لك رسالة بالبريد انتظر الرد وفقك الله
|
|
12-02-2003 , 08:11 PM
|
الرد مع إقتباس
|
|
مبدع متميز جداً
|
|
المشاركات: 4,062
|
#15
|
المجاهد عمر
جزاك الله خير ..
شكرا لك ..
ونتمى ان نراك
|
|
12-02-2003 , 08:15 PM
|
الرد مع إقتباس
|
|
مبدع
|
|
المشاركات: 2,068
|
#16
|
وعليكم السلام والرحمه
حياك الله أستاذي
لم يصلني إيميلك ولكن قد أرسلت لك إيميل به رقم هاتفي
وفي إنتظار ردك
حرف
|
|
14-02-2003 , 10:09 AM
|
الرد مع إقتباس
|
|
|