آخر عيد في جده

حبيبي ودع الأحباب بآخر عيد في جده
وإذا ربي كتب ترجع بتكون رجعتك وياي

وبتكون يدي بيدك والحب واصلٍ حده
تصور روعة المنظر 00 يسارك ماسكه يمناي

وكلٍ مننا فرحان يحسب ما حدٍ قده
يقول بخاطره : بالحب ماحدن مهتني سواي

ويجر من الولع لحنٍ يبيح بالهوى سده
لحنٍ يطرب السامع حسه أجمل من الناي

كفانا من الفراق اللي برانا لعن ابو جده
ألا يا شين فرقا اللي تريده اكثر من الماي

ويا زين اللقا بالحب ويديك تحتضن يده
وعينك تسبح بعينه ولا تحسب زمانٍ جاي

حبيبي اعطني يدك ترى الأيام مسوده
أبيك تنور أيامي00 عيوني أكتوت ببكاي

ودع ديرتك وارحب ترى ما عاد بي شده
هلا بك شمعه ببيتي وهلا بك فرحه بدنياي


عشّاق


http://www.3ashaq.net/vb/showthread.php?s=&threadid=362

هلا عشاق ...... كل عام وأنت بخير وعساك من العايدين

ما شاء الله عليك ......مثل عاداتك قصيدة روعة ... وتسلم عليها ...

كفانا من الفراق اللي برانا لعن ابو جده ألا يا شين فرقا اللي تريده اكثر من الماي ;)

الله يعينك .......

عشاق ... بغيت أقولك أني كنت مسجلة في منتداك وبعدين لما ييت عشان أشارك طلع لي يقول أنه المعرف غلط ... وبعدين سجلت من يديد
ما أدري وش السبب يعني

ومعذرة على الاطالة ...... والسموحة

هلا بج اختي واشكرك على هذا المرور المريم وبخصوص التسجيل فهذا بسبب انتقال المنتدى بالكامل إلى السيرفر الرسمي وفضلنا عدم نقل قاعدة البيانات والبداية الفعاله للاعضاء الراغبين فعلا في المشاركه
واعتذ عن هذا الخلل الفني

أخي ..
ما أجملها من أبيات وما أروعها ..
ولو أنها تصيب من القلب ذكرى أليمة لفراق وهجر .. لكنها في نهايتها تبقى رائعة بكل معانيه بكل كلماتها بكل سطر فيها ولو سطرت حروفها بمداد الحزن ..

أشكرك ..

تك توك

ما أسعدني أختي بهذا الحضور بعد غياب طال كثيرا00
وتقبلي أختي خالص ودي وامتناني على حضورك العبق