السلام عليكم

هل تنزيل السيارة ( الإسبرنجات ) بالقص أو الحرارة له تأثير سلبي ؟

اخوي باسوورد تنزيل السياره بالحراره تاثيره سلبي اكثر من القص

انا منزل السياره قبل 6اشهر يمكن الحين اسمع اصوات تطلع منها

بس تحس السياره شي كل تناقز :eek: :rolleyes:

والله اخوي في نوع من التنزيله يضر الي هو انك تنزل السياره زياده عن الزوم يعني تحصلها ماتثبت في مكان وتكسر ظهرك وفي تنزيله خفيفه وتعطي شكل حلو يعني ثنين انش او ثلاثه:think:

نصيحه بالحراره لاتنزل لانه بكل بساطه بتنعدم عليك لان معروف الحديد اذا تسخن واجد مثل التنزيل بالحراره يفقد اغلب قوته وتلاقيه بعد فتره ينزل شوي شوي حتى تنزل لاخر حد وفي هالحاله بتلاقي المساعدات والمقصات في اسبوع تخرب بعد مايصير الشي هذا واعطيك ضمان بعد

فنصيحه خلك في القص بس شغل محترم يعني بعد مايقص يرجع يضبط الياي في المخرطه ويركبه في قواعد طبيعي مثل اول وانا مجرب هالشي ولا حتى صوت او اختلاف في السياره

او خذلك سسبنشن من ايباش او غيرها المهم ياي ينزل السياره بالمدى اللي تبغاه

اهم شي الحرااااره لاتصلحها وترا تنزيل السياره بالتسخين 40 ريال للاربع يايات وبالقص في كل الورش 200 ريال بس انا صلحتها في ورشه محترمه بـ 450 ريال وعليه ضمان سنه على الشغل

والباقي عليك

سلام

نصيحة مجرب ...
ابعد عن الشر ولا تقص ولا تسخن اذا كنت تبغى منظر حلو فعليك بإسبرنجات ايباخ هذي الافضل وممتازة ونازلة والغريب انها ناعمة وتعطيك رساوة وماتضر المساعدات اما القص والتسخين وبالذات التسخين فبيعدم لك المساعدات وكراسي المساعدات والرومان بيلي وهذي تصليحها يدوخ الراس ....











اخوكم الشبابي

انا قاص حبه ونص وتمام معاي بس انتبه تحمي

يايات ايباخ تجدها عندنا بجدة بحدود من 1200 الى 1500 ريال .
اما اذا كنت في الشرقية فتجدها ارخص من عندنا .
وعلى فكرة مو شرط تاخذ ايباخ عندك اتش اند ار ممتازة وعندك جولد لاين ايضا ممتازة وسمعت انها ارخص لكن اشهر شي واكثر شي معتمد على السيارات حتى البروجكتات اللي تسويها شركات التعديل على جميع السيارات تكون من ايباخ ......













اخوكم الشبابي

هلا و غلا
انا ما انصحك اخوي ابد و زي ما قال اخ sts
انا كنت مسخن اليايات عندي الامامي و الخلفي والسياره كانت مع الارض بس وين ما تروح تحكيك و تنطيط :anger:
وقصيت ويعني صحيح احسن بس تعب العكوس عندي
احسن شي تاخد لك يايات و جانبينات خاصه مثل
neuspeed
ebache
tokiko
بس شوي غالي مع انه شوارعنا ما يصلح معاها الا ترفع السياره من الحفر و المطبات :anger:

ولكن يا اخون ما حددتم وين نقدر نحصلها انا بالرياض ؟‍‍‍‍‍؟
انا عندي لكزس es300 وحاولت ادور بالنت على يايات ولكن ما حصلت حصلت على الجي اس بس
فاذا تقدرون تفيدونا وين نقدر نحصل اليايات اللي ذكرتموها جزاكم الله خير

السلام عليكم

http://www.power-curve.com/catalog/.../Pro_Street.JPG

http://www.power-curve.com/catalog/...206/Pro_Kit.JPG

الشبابي
تعرف محل في الشرقية يجيب من أيباخ ؟؟؟
وأيش رايك في ماركت أنتراكس ؟

أبو عراده ...
وكيل ايباخ في الرياض هو Big Wheels "الجنوط الكبيرة"
السعر 1500 ريال (حق سوناتا لكن ما اظن إن السعر راح يفرق من سيارة لأخرى)

vbmenu_register("postmenu_1465447", true);

موضوع قدييييييم

عن تجربة موتر رفيجي هوندا ، قاص اليايات ، أقولك شنو يكسر الظهر ، خاصة شوارع السعودية ، مب شوارع ، كانها أرضي اختبار المدرعات :eek: << طبعاً هالإحساس بيكون عندك لما تقص اليايات و إنت و حظك

آنا أقول ركب H&R أو Eibach أو أي سبرنج جاهز و شركة محترمة أفضل و أثبت و أكثر اعتمادية من القص و الحرارة

توني أدري ! :blink:

وما قريت طلبك عدل ، بالنسبة للمحلات إن شاء الله شباب السعودية يفيدونك