السلام عليكم

العنوان واضح

ملاحظة مهمة ، يمكن واحد ما يدري إن الشلخة هي حقيقة و ليست اشاعة و لا مبالغة ، فاللي يشوف شي يصحح

كمثال : سيارات فراري كل يوم لازم توديها الصيانة :smart:

- يستخدمون الPistons مال الكرسيدا في مكان الDrag لأنهم كبار و ثقال و يتحملون ! ، و السبب في إن صرفيتها عالية كبر قطر البساتن ! هههه



يالله كل واحد عنده شي يقول ، و آنا عندي وايد بعد بس إنتوا شاركوا

يعنى ايش شلخات ... :m: باي لهجة .... :think:

يعني أشياء ما تدخل الراس و العقل

يعني صواريخ

يعني كلام ماله صحة ، و لكنه مضحك

مادري شلون بعد اشرح ، بس المفروض تفهم عن طريق الأمثلة اللي فوق :-)

لازم عن السيارات ؟


في واحد قالي إنه كان رايح البقاله و طلعوا له سلاحف النينجا يلحقونه ...


أدري مالها دخل بالسيارات بس تذكرت السالفه

سجل عندك:

-فولفو مستعده انها تعوض اي واحد ينقلب في سياراتها بملغ مليون ونص يورو

-قومة في خط قصير بين ايكو ولومينا اس اس الايكو طلعت ليش؟؟لانها قير عادي



هذا الي بالي ولو افكترت شي باضيفو :smart:

يقولون

أذا السيارة اللديتر حقها يسرب ماء (مخروق) حط فية بيض ني بيتوقف التسرب


_____________________________________________________________


كب سكر بتنكي البنزين بتسير السيارة حلوة


_____________________________________________________________


هذي مدري أذا كانت صحيح

يستخدمون مشروبات الطاقة مثل (ريد بول) مع البنزين يقولوا يزيد العزم



_____________________________________________________________


لحظة يمكن أفتكر شي

نسيت شي مهم

STP ملمع الإطارات ، يقولون يشقق التاير و يخربه

شكلك جايف MythBuster

هاذي حقيقه ..

..

Toyota LandCruiser .. For People Who Know The Earth Isn't Falt

:banana:

مرة رحت على شركة البي ام أول ما نزلت الفئة السابعة الجديدة

قبل 4 سنوات تقريباً

وقعدت اتكلم مع مندوب المبيعات عن مواصفات السيارة

ويقولي فيها كذا وكذا المهم

قالي شي مستحيل انه يتصدق

قالي ان السيارة لو اخترب فيها اي شي عندك من الليت لين الماكينة

السيارة راح تتصل اتوماتيكياً بالاقمار الصناعية على الشركة الأم في المانيا

وتخبرها بالأعطال الموجودة في السيارة

وبدورهم هناك في المانيا سيقومون بالاتصال بوكيلك هنا في قطر لاخبارهم عن اللأعطال التي في السيارة، ورقم الشاصيه للسيارة المتعطلة

ووكيلك بدوره سيقوم بالاتصال بك لإخبارك عن الأعطال التي في سيارتك وعن رغبتك في اصلاحها

وانا مستغرب من اللي يقوله وبعدين رجعت لنفس الشخص بعد فترة وقلتله عن اللي قاله

وقالي انا ما قلتلك هالكلام وانا :blink:

والحمد لله ان رفيجي كان معاي وسمع كل شي

يعني لو كنت بروحي كنت بقول يمكن انا كنت أحلم



ومشكور أخوي على الموضوع

الإطار اللي مركب على سيارات الفراري لو تسوق 300 و تلف فجأة 90 درجة السيارة تلف وياك بدون أي تأخير أو دوران :knight:

مشكور سيدكو على الموضوع

- يقولو اذا تسوق السيارة بدون فلتر الهوا تصير أسرع :blink:

هذا مالدي حاليا :p

اي شلخه توصلني بقولها لكم خخخخخخخخ

موضوع حلو منك, لأنه بالفعل في شلخات عجيبه و غريبه


فيه واحد عندهم جاغوار إكس جي بحالة الوكاله, قاللي إنهم مزودينها بقيمة 117000 ريال عماني, وطبعاً السياره قيمتها في الوكاله 25000 ريال عماني, و أنا شفت السياره وكاله.

ة ةاحد قال إنه بودي المكسيما قوي كثير و ثقيل, وطبعاً كلنا نعرف بودي المكسيما إنه ريشة

و ننتظر الباقي منكم

1- محرك شيفروليه كوبالت يتحمل 1000 حصان بدون تبديل القطع الداخلية :lol:

2- نيسان سكايلان يتزود لغاية 1200 حصان ببرمجة فقط :lol:

3- هوندا تتحدى اي واحد يقدر يخلي ال NSX تنقلب :lol: << جيبوها لي وانا اقلبها

4- 300M تطلع على هوندا فيتك ستوك :sss: امزح سيدكو موتقلب علي


اذا تذكرت شي بعد لي رجعة

كانوا زمان يقولون تسنن مكينة الجمس الـ 79 ويصير يطبق الطبلون مرتين ويمشي 300

السلام عليكم...

ذكرتني بسالفه قالها لي رفيجي....يقول مره دخلت محل يبيع اغرض سيارات..(الله يستر عليناو عليه )

يقول يوم سألت عن الار بي ام قالي اللي يشتغل بالمحل انه الار بي ام يزيد قوه السياره بمقدار 11 حصان (يعني الاخ مسوي دقيق بالضبط 11 لا اكثر ولا اقل)

يعطيك العافيه على الموضوع :banana:

EL_3grab
لاتفضحنا

يقولك ان ابرد مكيف حطوه التيوتا كان في الكرسيدا 85 ، من زود برودته في الصيف لي تفتح الباب عشان تركب يطلع دخان ابيض زي اللي يطلع من الفريزر

شباب اسمعوا ذي قويييييييييه

هذا واحد من الشباب يقول

مره كانت كابر موديل 2000 ماخذ الدوار انفكت الطاسه تبعه رجع كمل الدوار رجعت الطاسه وركبت في محلها

فرديت عليه قلت له اشوى ماجات كابرس ثانيه وركبت عليها

كاااااااااااااااااااااااااااااااااااااااااااااااااااااع
:knight:

موضوع حلو وفيه ترفيه
أكثر اللي يضحكني هم إخوانا البياعين في وكالات السيارات ومعلوماتهم الغير دقيقه أو المؤلفه
عند وكالة النيسان قالي واحد من البياعين إن الزد تصف مع اللمبو وهم فئه وحده

وفي كثير من الأساطير القديمه المتداوله بين الناس الصراحه مايحضرني شي منها وإنشاءالله بكتبها لمن أذكرها

مشكوور

هههههههه شلخات عجيبة :lol:

الهمر ما ينقلب أبداً لأنه من تحت في مغناطيس قوي جداً يجذب السيارة للأرض :banana:

و كذلك البورش فيها مغناطيس من تحت

<< توها فرش

شلخه دايم اسمعها من اخوانا اصحاب الشفر

يقولون فيه مكينة 511 مع ان المصنع عمره ما صنع هذي المكينه و غالبا تكون هذي المكينة على سيارات الشرطه و خفر السواحل و سلاح الحدود :-)


نفس الشي عن اداء مكاين الشفر يقولون ان المكينه اذا كانت صمامين لكل اسطوانه افضل من اربع صمامات لكل اسطوانه

التغيير في قواعد الفيزياء و الكيمياء شي غير منطقي :shy:

ايام الابتدائي كانوا يجيبوا كرتون هيابوزا

واحد الله يستر عليه يقول خاله عنده 240 ال اذا طبق طبلونها يطلع من ايده دم زي راعي الهايبوزا

و ثاني يقول نسيبه عنده ونيت اذا يسوي حركه واقف تشوف البساتم لونهم احمر و هم طالعين نازلين :knight:

و واحد الله يعافيه يقول ان صابونتهم ال91 عليها مكينه كوررررررررررفت

و واحد الله لا يبلانا يقول ان الزد 300 التيربو القديم قويييييي و مو اي واحد يسوقه
و مره و هو يمشي في الهايوي دعسه و مشا به عرض خمس دقايق و هو يحاول يمسكه ما عرف في النهايه هده على الجهه الثانيه و رده اول و كمل سيدا :blink:

نكمل ؟

هذي فقشه اخبرها من قبل سنين

ايام الشبح .... جاي واحد من الشباب يتفلسف وش يقوللل؟؟

كفرات الشبح الواحده بي 4 الاف ريال :m:
قلنا كيف يابو ... قال الشبح ما يركب عليها الا كفر الوكاله ومصمم لها فقط
يعني الطقم بي 16 الف ريال ...... وين حنا عايشين كان طفرو الخاق


_________________________________________


وهذا واحد الله يستر عليه ايام 740 ال 97 يقولك كان مستاجر وحده وقام اخينا لف تسعين درجه وهو رجله على ال180 ..... ولا صار شي .... يقول ايش ثبااااات :think:


ومشكور سيدكو على الموضوع



NEXT PLEASE

موضوع حلو الصراحه وفيه استرجاع لذكريات الماضي


من سنتين تقريبا او ثلاث مب متأكد كنت رايح الصناعيه في مهمه سريه و يوم وصلنا اخر الصناعيه انا وربيعي
سمعنا صوت وحش لهو بصوت امريكي ولا ياباني طالع من كراج قديم يصلح تكاسي و سيارات مال التعليم
لكن شفنا العمال متجمعين عدال كورفت موديل 98 اصفر من جدام في ضربات خفيفه لكن صوته كان غريب شوي
احنا قلنا السالفه اكيد هالكراج يزود واحنا ما ندري عن شي ..... وبدت تحرياتنا
قلنا الدليل الوحيد انا انشوف مكينه الكورفت كيف شكلها , و اول ما شفنا المكينه......وهنا الصعقه
:blink: :blink: :blink:

:blink:






مكينه وجير صني 96 1,6 ............. اكزوز سفك

وحاولنا نفهم شو الموضوع ..........


كل الموضوع وما فيه انه جار الكراج وهو سكراب ياه واحد وباعه الكورفت بعد ما سوا فيه حادث ودمرت مكينته والجير
راعي الكراج و هو هندي حب شكل الكورفت وقال هالسياره انا باخذها لي وبصلحها وخذها عند جاره اقرب كراج له

راعي السكراب اتكفل بالمكينه والجير بوكس والاكزوز وراعي الكراج عليه الطبخه ........ وانتهت الطبخه بطبق كورفت بمكينه صني اتخيلووووووووو

المشكله احنا ما عرفنا شو صار بعدين لان كانت عدنا دوره لكن بعد اول نزله لنا سرنا للكراج ونبغي انشوف اخر اختراعاته


اول ما وصلنا لقينا الكورفت فاخر السكراب كانه مكنسل من 20 سنه وسالنا الدكتور صاحب الكورفت شو صار قال الطبخه فشلت الموتر نقع عليهم اول ما طلعوه من الكراج يا فرحه ما تمت





هذي اغرب سالفه شفتها فحياتي واغلب الشباب ما صدقو لين ما وديتهم بنفسي عشان يشوفون كورفت بمكينه صني محترقه

شباب احد يذكر هذي السيارة ...









على ايامها كنا صغار وكل واحد يشلخ على الثاني :knight:

اللي يقول شافها تطير فوق بيتهم واللي يقول تكلم وياها واللي يقول شافها وسلمت عليه وطارت :lol:



ذكريات :cry1: