السلام عليكم ورحمة الله وبركاته

أحب أوجه كل الشكر وخالص التقدير الصادق للأخت بشاير على طرح موضع :

اشتاقت لكم سوالف وأعضاؤها

وكذلك للأخت فوزية

الشوق والحنين لأحلى أيامي جعلني أدخل سوالف , وقلت راح اشوف المواضيع القديمة مكانها كالعادة , ودخلت موضوع الأخت بشاير وقرأت كل حرف فيه وكل رد وتأثر
وقعدت اذكر ايام سوالف

أذكر كم كنا أخوة متحابين وعلى قلب واحد

أذكر الفرح والسعادة اللي تغمرنا لما نشارك في المواضيع والردود

أذكر مدى الاستفادة اللي نحصل عليها من الأخوان الأعضاء

اذكر لو يغيب عضو واحد ينزل موضوع بأسمه بسألون عنه ليش غاب

كانت أيام مستحيل الواحد ينساها

والجميل ان نجد من هو باق على هذي الأيام ويذكرنا فيها

ويتذكرنا بالخير

وما انكر ان لما قريت موضوع الأخت بشاير دمعت عيني على كل يوم قضيناها مع سوالف

في الأخير احب اقول ان لو غابوا الأعضاء فهم حاضرين لو من وراك الكواليس مثل ما يقولون , يدخلون سوالف بين الفترة والثانية وانا متأكد من هالشي

أحب من اللي يقرى موضوعي من اخواني الأعضاء يسجل حضورة ولو بذكر الله ويطمنا على حاله

وفي النهاية أدعو الله ان يوفق الكل للخير ويبعد عنا الشر ويجمعنا اخوه متحابين في جنات النعيم مع النبيين والصالحين .. اللهم آمين

أخوكم

حمد