ويبارك فيك وفي عمرك .. وانا محمد ماني بمطيع <<< كف على الطاير دون تردد << متعوب عليها دون تردد

وبعدين كان يعني كملتي جميلك وماقلتي طبعا مو دايما <<< تراني بالحيل مظلوم

والله يحييك ويبقييك يابنت الشيوخ ..

عاد على كيفهم اذا هم يشوفون هالشي .. لعلمهم بس .. الاجانب يشوفون العرب كلهم سود

اللهم امين .. وهذا من طيبك ونبل اخلاقك وكريم شخصك ..

هههههههه ودي اسدأ باللي تؤليه

خلي رزقهم ينقطع وانا وراي شي

السبايكي مره وحده يعني اخليه واقف مثل هالمصروعين

اما عن البودره فأنا مقتنع باللي قلتيه لمدة ثلاث ايام <<< دواء كحه

جبتها طال عمرك يوم اني كنت في هونولولو

ههههههههه وفيه احسن من كذا

وخليك تطيعيني لأوريك نجوم الليل في وضح النهار <<< ابوك ياللغه

ولاتسمينها دكتاتوريه ... سميها اوامر اخويه

والله اني سعودي اباً عن جد

وعسى ايامك كلها فرح وسرور ووناسه .. قولي امين

لأ مو ناقصين بس الجمعه زينه واللمه والصحبه الطيبه

اللي بالاحمر : افااا وانا اللي موصي لك على فلكه وشوية خيزران من اللي يحبهم قلبك

وانا محمد ماني بمطيع ... قايله من قبل إذا ما علقت بتطلع نخله في المنتدى

وبعدين كان يعني كملتي جميلك وماقلتي طبعا مو دايما ... طالعة عليك (من عاشر القوم أربعين يوم صار منهم)

الاجانب يشوفون العرب كلهم سود ... تصدق يا مبدعنا احنا فاتحين لما كنا في سوق تايلند وقفت راعية المحل وله تقول انتوا من افريقيا قلت لها من زيمبابوي واختي تضحك علي

وليش ما تصدق يا مبدعنا

خلي رزقهم ينقطع وانا وراي شي ... الله يهديك يا مبدعنا أساس شهرة كل نجم الجماهير ... ووسائل الإعلام هي الوسيط بين النجم وجمهوره ... ولم ترفض تتعامل مع الجمهور راح يسقط نجمك ... صراحه أنفع محلل اقتصادي (شخصه)

السبايكي مره وحده يعني اخليه واقف مثل هالمصروعين ... هذه الموضه يا مبدعنا ... والجمهور عاوز كده

اما عن البودره فأنا مقتنع باللي قلتيه لمدة ثلاث ايام <<< دواء كحه ... البودره يا مبدعنا خلها روتين في حياتك مو ثلاث أيام بس

جبتها طال عمرك يوم اني كنت في هونولولو ... قصدك لما كنت في هوليوود

أي أوامر أخويه ويه وجهك وانت تقول لأوريك نجوم الليل في وضح النهار

والله يا مبدعنا لما كتبتها قلت في خاطري أكيد راح يفسرها إنها تونس البلد

لكني ما لقيت أنسب من هذه الكلمة ... شنو أكتب يعني تسعد وله تفرح ... ما يجيبون المعنى

وأيامك يا مبدعنا ... الله ما يحرمنا من كلامك الطيب

لأ مو ناقصين بس الجمعه زينه واللمه والصحبه الطيبه ... من صجك الحظ الردي صحبه طيبة ... دايما عاكس الكلام ... بس تبي تعاندني

افااا وانا اللي موصي لك على فلكه وشوية خيزران من اللي يحبهم قلبك ... أهون عليك يا مبدعنا تمارس علي كل هذا التعذيب ... شكلي بغير رأي وأشوفك بعين أخرى وانت من اليوم من مهند الخليج إلى دراكولا الخليج

السلام عليكم ورحمة الله وبركاته

صباح الأنوار ومساء الخيرات

حيا الله الجميع وأيامكم كلها بإذن الله سعادة

وينك يا مبدعنا ما دخلت من يومين؟؟؟

طولت الغيبات أخي إبداع

طمنا عليك وعلى الوالدة الله يرضى عليك

أسأل الله أن ييسر أمرك ويمتعك ومن تحب بالصحة والعافية

السلام عليكم ورحمة الله وبركاته

بشاير صباح الخير والنور والسرور

نجحت هالمرة واستطعت اشغل البرنامج ultrasurf

كيف حال الجميع يارب بخير

كيفك اليوم يا الغالية وكيف الزعيم ابداع
وينك اخي بومحمد والله اول واحد اتذكره لما ادخل سوالف اخي الضبع الذي جعلني احب هذا المنتدى يارب تكون بالف خير

صباح الخير للجميع

وعليكم السلام ورحمة الله وبركاته

ما تتخيلين فرحتي حينما قرأت اسمك في الرد على المواضيع

الله يسهل كل أمورك ونشوفك دايما معانا ونطمن عليك يا فوزية

حياك الله بيننا ونور الله صباحك ومساؤك بكل خير وفرح

ربي ما يحرمني منك ويبارك لنا في تواجدك الطيب بيننا

مساء الخير اختي بشاير الخير ومساء الخير فوزيه ماشاء الله

انتي هنا ..!! والله اشتقنا لك

مساء الخير على الجميع والسموحه على القصور ..

ما أدري أقول مساء الخير مبدعنا وله لا

تبي الصراحه أنا وايد زعلانه منك

تتركني في المنتدى بروحي ولا تسأل ولا حتى تصبح

يا أخي طمنا عليك وعلى الوالده على الأقل

المهم إنك بخير والله يحفظك وين ما كنت

حأك عليا ياستي .. ( والحق معك ) وانتِ كريمه وانا استاهل

ومن طبع الكرام اللي مثلك ومثل شرواك انهم يسمحون لي على التقصير اللي خارج

عن ارادتي .. وصدقيني مانسيت اهل المنتدى ولا المنتدى ..

لي رجعه وتعقيب على كل رد ..

وانا بخير والوالده الحمد لله صحتها زينه ..

الله يبشرك بالجنة يا مبدعنا

الحمد لله إنك بخير والوالده بخير

كنت أسأل فوزية عنك وفي الخاطر شئ عليك تبي الصراحه

لأن الإنسان ما يعتب ويفتقد إلا إلي يعزون عليه

المهم إنك بخير وأمورك طيبة ولله الحمد

أنا في انتظار رجعتك وردودك الحلوة إلي تفرح القلب

وياك ان شاء الله .. والله يجزيك كل خير يابعدي ..

والله يعز قدرك ومقدارك .. وصدقيني كانت ظروف واجبرتني وحدتني على كذا ..

وابشري بحقك يالغاليه ..

والله يسعدك ويخليك ويفرح قلبك ..

مساء الخير والأنوار على مبدعنا الغالي

الله ييسر لك كل أمورك ويفرح قلبك بكل ما تتمناه

في انتظار ردودك ... قطعت ثوبين وأنا في رجا ثوبك ... تتذكر قصة هذا المثل مبدعنا؟

مساء السعاده مع شاي سكر زياده ..

والله يجزيك خير ويسر امورك ويسعدك دنيا واخره ..

وان شاء الله انا راجع وبقوه .. فيني طاقة من الكلام اللي مايخلص لووووووووول

حشى ماهو بآدمي ذا .. قلنا لكم عطوه جوه ..

اما عن المثل ايه اتذكرها طيب .. ليه انتي نسيتي مين حنا ..؟

انا وياك نزلنا كتب ومجلدات عن هالامثال الناريخيه ..

وقريب راح ينزلون السوق ..

مراحب يا مبدعنا والله يصبح ويمسيك بكل خير

وان شاء الله انا راجع وبقوه .. فيني طاقة من الكلام اللي مايخلص لووووووووول... واحنا في انتظار هذه الرجعة يا مبدعنا .. الله يحفظك ويبارك لنا فيك


انا وياك نزلنا كتب ومجلدات عن هالامثال الناريخيه .. وقريب راح ينزلون السوق ... الله يهديك يا مبدعنا كم مرة أقولك المنتدى آيل للسقوط وما مستحمل صواريخ تهزه ... وإنت الله يسامحك ترسل صواريخ أرض جو من خاطرك

مرحبا ملايين والله يسعدك في جميع اوقاتك ..

وابشري بس ارتب اموري وبإذن الله اكون متواجد 7/24 <<< صراف على غفله

والله يبارك فيك ويحفظك وين ماكنتِ ..



هههههههههههههه هي خاربه خاربه ..

اذا صار ماصار راح ارمم المنتدى بس خلي صورايخي تسوي مفعولها

السلام عليكم ورحمة الله وبركاته

ما شاء الله صرت ترتب أمورك ورجعت للمنتدى حيويته ونشاطه

اذا صار ماصار راح ارمم المنتدى بس خلي صورايخي تسوي مفعولها.. انت تشوف جذي يا مبدعنا ... خلاص نحن في انتظار الترميم بين فترة والثانية ... لأني أشوف الصواريخ ما توقف طال عمرك